منتديات شمس الحب - مشكــــــله ميكآنيكيه ، ياليت اهل الخبرة في السيارات يدخلون

السلام عليكم

صبحكم الله بالخير

اخواني اللي له خبرة في المكانيكا او من مرة بتجربه مشابهه لمشكلتي ياليت يطرح لنا مشاركته

بلخص مشكلتي بنقاط

الزيت المستخدم في السابق هو : سوبر جي تي فوكس 20 50

المشكله ظهرت عند : 80 الف كيلو

وقت ظهور المشكله : كنت مسافر الظهر في عز الصيف وبعدها ظهرت المشكله بعدها بسبوع

نوع السيارة النترا

-
المشكله هي :
عند تشغيل السيارة وهي بارده يطلع صوت شبيه بصوت جنزير وقوي جداً

* الصوت يستمر لمده 3 ثواني ويختفي

* اذا غيرت الزيت عند المحطه وشغلت السيارة يطلع الصوت بشكل فضيع وبنفس التوقيت 3 ثواني ويختفي .

* لمبة الزيت . لو نفترض ان لمبة الزيت تختفي بعد ثانيه من التشغيل ، فهي في خلال هالثانيه تعطي وميض وتختفي " احياناُ " ،،

* غيرت الزيت الى كاسترول 10 30 والمشكله لازالت

وديتها لاغلب الورش ما احد قدر يحدد وش فيها مشكله

الا واحد قال احتمال انه االجنزير .. بينما الجنزير حديد ،، !!

لكن اجمعوا على احتمالية طرمبه الزيت
لكن لقيت ميكانكي يقول شخص عنده نفس مشكلتك وغيرت له الطرمبه ولازال الصوت عنده !!

وقليل منهم قال غير شخال الزيت

والى الان احترررت مادري وش اسووي

تحليلكم للمشكله ؟
-

ياليت المساعده ،، واللي يعرف لي ميكانيكي في الريااض اميين وصادق وفلته .. يدلني عليه الله يجزاكم خيير