من الحماقه اشتري ارض واخسر ارض + قرض + بقيه العمر +هديه لكم.مهم جدا بخصوص نزول العقار
 

السلام عليكم ورحمة الله وبركاته

استغفر الله وسبحان الله ولا إله إلا الله والحمدلله والله أكبر


اخوي المشرف ثبت الموضوع تعم الفايده وتساعد المساكين وتنور لهم الطريق



يقهروني اللي يدلسون ع الناس وهذا جواب لكل مدلس لاتوهق خلق الله

والله يا شباب إني راعي عقار وشغال فيه من خمس سنوات تقريبا واعرف عقارين ومطورين كثر

سؤال مهم بخصـــــــــوص نزول الأراضي خاصه هل هناك نزول فعلا

اقـــــول نعم .. اتحدى اي خبير بالعقار يقول لا ونزلت من ايام قرار 250 مليار معداء التجاري نزول طفيف

وبعد قرار الملك الاخير كأنني أرى السبحه على وشك والقرار جدا رائع

الله يطول عمر ابو متعب


اليوم جاني اتصالات من هوامير ظهره لبن يتحسرون

اوشهد الله على كلامي

الزبده

تعال وشف المعادله

قلي بربك هل سيأتي من يشتري ارضك ب نص مليون

ويضحي بثلاث اشياء

ارض مجانيه + قرض + بقيه عمره ؟

عطني عقلك وافهم مااقول وانت من يقرر هل سينخفض ام لا

اصبرو واحتسبو وان شالله سيؤتينا الله من فضله إنا ألى الله راغبون

======== الهديه =======

(( بعد خسمة أشهر من الأن لكم هديه يااعضاء الهوامير ))

راح انزل موضوع خاص جدا افضل طريقه للاستثمار في العقار شامل الارض والتكلفه واوااولخ وباذن الله مايخسر المشروع ابد واتحدى واحد يقول يخسر :hawamer4012

خل ننتهي منه اول

وللمعلومه هذا المشروع الثاني والحمدلله الأول ناجح جدا لكن

الفواتير والتكلفه والطريقه مااحتفظت فيها كلها

النيه كانت واحد وبس ولكن بعد النجاح المنقطع النظير قررنا ان شالله إن شاء المشروع الثاني وتم البدء



اهم مااستفدنا من الطريقه الأولى اختصرنا امور ووفرنا مبلغ كبير في الثاني

قاتل الله الجهــــــل الانسان عدو مايجهل

من الان .............. لحد الانتهاء ظبطو وضعكم

وكل اللي ابيه دعوه لي ولوالديّ بالمغفره والرحمه ولجميع المسلمين

====

الاستثمار يكون جماعي أفضل واقوى واربح ان شالله بينك وبين من تختارهم من اقاربك او اصدقاء العمل

كل واحد يجهز له من 10 عشره اشخاص الى 15 من شخص ويكونون صادقين في ماضيهم واهل دين وصلاح

كل شي يكون موثق بينكم لكي تطمئن قلوبكم ...



وبعطيكم الطريقه الصحيحه مع التكلفه الأجماليه بشرط وهو اهم شرط

الصدق والأمانه

اللي يدير المشروع لكم يكون حازم وامين واي ريال يسجل بفاتوره

القاكم ان شالله

((( استغفر الله الذي لا إله إلا هو الحي القيوم واتوب إليه )) إنها مفتاح الرزق ياساده

اللهم صلي وسلم على نبينا محمد وعلى أل محمد كما صليت على إبراهيم وعلى أل إبراهيم انك حميد مجيد