أفتونا ياهل العقار وعلوم المراجل
 

مسيتوا بالخير بالربع

العلم سلامتكم

وحاب استشيركم باللي حصل

كنت قبل كم شهر مسافر لعديلي اللي يبعد عن مدينتي 1500 كيلو
وطرالي ارض شاريها من خويه قبل سنتين ب 200 الف والتي تقع بمدينتي التي اسكن بها

المشكلة ان الصك قديم وفيه مشاكل
ولا نقل ملكيته إلى ذال الوقت !

قلت له حرام يخوي تدفع 200 الف ولا نقلت الملكية ولا شي ! وهالحين تسوا 500 الف
لو زرفك الرجال او هون عن البيعة وطمع
او توفي احد الطرفين ترا الدنيا حياة وموت


قال وش اسوي ؟


قلت ابشر باللي يسرك

عطني الصك ووكالات للبايع والمشتري والمراجعة كاملة وانا ادبرها لك

الخلاصة وكلت ناس شرواكم
والموضوع طلع معقد شوي
احتاج عدة مراجعات بالمحكمة والاحوال المدنية


وفعلاً خلال شهرين تم استخراج صك جديد ونقل الملكية
الرجال فرح باللي حصل وشكر

وحلف أنه يدفع قيمة الخدمة وطلب اني احددها وانا رفضت

أنا ما عندي نية اطلب منه شي
لكن الرجال حلف
وقلت بعطي الناس اللي وكلتهم فهم يستاهلون


الشاهد

كم يستحق اللي خلص هالمعاملة ؟ من خلال خبرتكم وسلمكم
لا اظلمه ولا اظلم الجماعة اللي تزهلوا وخلصوا


تحياتي