منتديات شمس الحب - ماهذا القرار الفاشل والمدمر للسوق السعودي يا رئيس الهيئة

بخصوص قرار تحديد نسبة التذبذب في اليوم الأول

القرار سيء سيء سيء

احنا ماكنا نشعر انه لسى السوق فيه خير وفيه سيولة وتداولات الا باول يوم ادراج

وسيصبح سوقنا اشبه بسوق البحرين ولا عمان اللي مافيه تداولات اصلا

واللي يقول الهيئة نصبت نفسها وصية على اموال المستثمرين

ياخي محد نصبها والناس عقلاء مايحتاجون وصاية لاهم مجانين ولا هم سفهاء

وبعدين اللي مو قد السوق لايدخله ياخي

اللي خسر يقول لي بصراحه حد ضربه على ايده يفتح محفظه ويحط فلوسه ويتداول

كل انسان مسؤول عن تصرفاته

هذا سوق ياعالم والمفروض يكون سوق حر

آخر زمن رئيس الهيئة بيسوي نفسه المنقذ

وكأن المتعاملين هذولا بقر مايفهموا أو اطفال وهو بيحجر على اموالهم وتصرفاتهم

باقي يقول ( ولا استبعدها )

1- قرار بحد قيمة السيولة في السوق ان لاتتجاوز 5 مليار ريال في اليوم

2- قرار بحد قيمة التداول لكل شركة عن 100 مليون ريال الحد اليومي

3- قرار بحد عدد الصفقات لكل شركة بان لايتجاوز 1000 صفقة في اليوم

وهكذا حتى يموت السوق ويهرب المضاربين وتسحب الاموال من السوق

لا ويقولون نحن نشجع على جلب السيولة للسوق السعودي

محد بيجيب فلوسه تنسجن وتتقيد ... السيولة المقيدة والمحصورة محد يبغاها