|
بحيرة الكسر بالزلفي خياليه ..... من لا وقف عندها صعب ايتخيلها بحيرة الكسر بالزلفي خياليــه ... من لا وقف عندها صعب ايتخيلها مفتوحة للبشر ماهيب محميه ... ووجيه اهلها ترحب فيك باكمـلها وصف بحيرة الكسر للي جاي من الرياض الايام هذي مناسبه جدا لزيارتها لان الجو العصر والليل والصبح براد يعني تكشت تجيها العصر وتمرح على جال البحيره ليله ما تنسي اللي يبي الوصف اوضح طريق اللي يبي يجي من الرياض بعد المجمعه بعشرين كيلو مدخل للزلفي على اليمين تمشي 55 كيلو الين ما يجيك دوار اسمه المئويه خذ معه يسار يجيك دوار ثاني دوار الصناعيه بوسطه جيب ( هذا الجيب اللي قطعوا جلدنا بسببه جيب بالدوار ) خذ مع الدوار يمين تمشي خمسين متر ولف يمين وبعدين 500 متر ولف يسار استمر تقريبا 8 كيلو يجيك تي رح معه يمين تستمر لك مسافه 5 كيلو ويعارضك طريق خذ معه يسار استمر لك 7 كيلو تقريا وينتهي الطريق شف البحيره على يسارك بحيرة مغيرا خيال وصف مغيرا طال عمرك وانت راجع من بحيرة الكسر تجي لدوار الصناعيه اللي بوسطه جيب خل اتجاهك غرب وادخل الزلفي خمسه كيلو وانت بوسط الزلفي من دوار الصناعيه يبي يجيك الدوار الاول بعد النزله اللي هو دوار ادارة التعليم واستمر بأتجاه الغرب يبي يجيك الدوار الثاني خذ يسار معه يبي يصير اتجاهك جنوب استمر تبي تجيك اشاره استمر سيده وبعدها بــ 600 متر يجيك دوار كبير ( عقال بن طمحي ) استمر بعد الدوار تقريبا 5 كيلو يجيك مسجد على اليمين بزاويه قبله ادخل يمين استمر الين ما يجيك دوار استمر بعد الدوار الدخله الاولى خش يسار تبي تصير استراحات على يمينك وعلى يسارك 15 كيلو بعدين تصير مغيرا على يمينك وتشوف البحيره وتشوف السد والنفود وموفقين بأذن الله |
| الساعة الآن 01:29 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir