منتديات شمس الحب - لبناني نصب على صديق لي بمبلغ 280 الف وش الطريقه

السلام عليكم ورحمة الله وبركاته

ياناس والله ضاق صدري على انسان عزيز

كلمني قبل شهرين قال ان فيه لبناني يشتغل في شركة مولدات كهربائيه كبرىوعندهم رجيع مكائن كبيره يبي لها صيانه بسيطه ويتم بيعها باسعار خياليه ومحتاج مبلغ عشان صيانتها ومن ثم يرجع له المبلغ بارباح ممتازه

وراح له الرجال في الشركه وشاف المولدات واقتنع وعطاه 210 الأف ريال وكتب له النصاب شيك بالمبلغ قلت له يارجال نصيحه لوجه الله رح قدم الشيك بدون مايحس وخذ اعتراض وعلى الشرطه ترى بكره بتدوره ماراح تحصله ولاتعلمه عشان مايهرب

قال لا انا واثق فيه وبعدها بكم يوم طلب منه مبلغ 60 الأف زياده وعطاه يعني صار المبلغ كله 280 الف ونصحته بس للأسف ماسمع النصيحه

المهم كلمني امس قال الرجال هرب واستعلمنا عنه اثاريه طلع خارج المملكه

وقدم الشيكات بس بعد ايش بعد ماهرب هل فيه امل يجيبونه عشان الشيكات والله يطلب الله العوض بس ؟

المشكله يوم قدم الشيكات حصل في الشرطه مجموعه كبيره من السعوديين منصوب عليهم

ادري كل الردود بتقول انه مغفل وغبي وهذا شي مفروغ منه بس الأن مو وقت نقيس عقليته نبي حل الله يبارك فيكم