منتديات شمس الحب - درب المتاهات.......

لايـشغـلك دمعٍ عـلى الخـد يجــري
ولايزعـجـك نوحي وكثر الـتـنهات

انـوح مـن نـــارٍ تـلـظى بـصــدري
من حـرها شانت بعـيني الـمـلـذات

كـتـمـتـهـا مـاودي الـنـاس تـــدري
كـتـمتها عـن اقـرب الناس بالـذات

تركـتـها وسط الـمـعـالـيـق تـفــري
تـفـتـت مـنها الـظـلـوع الـمـحـنـات

مثـل الـحـمـم حـره مع الـدم يسري
يـفـوح دمـي بالـعـروق الـمـثـنــات

وتـشـتـت مـنها مـجـامـيـع فـكــري
دنياي صارت في عـيوني متاهـات

وافـنيت في درب المتاهات عـمري
ابـنـي الامـاني والامـاني مـغـــرات

ضيعت وقتي واحسب الوقت بدري
اخطيت بحساب الزمن والمسافـات

كان الامل يدعـم مع الوقت صبري
مات الامل قـبـل يتحـقـق بساعـات

وباح الصبر واليوم الا ليت شعري
تـعـود ايـام الـزمــن للـبـدايــــــات

مالي عـذر غـير الذي قـلت عـذري
مكـتوب والمكـتوب مامنه منجــات

والـيـوم انا فـوضـت لله امـــــــري
فـوضت انا رب الـفـلك والـمجرات

عـسى يعـظـم والي العـرش اجـري
ويحـسن لنا بالخـاتـمه والـنهـايات

احمد بن عبدالرحمن العريفي
(نديم المجره)