منتديات شمس الحب - من كثر شوقي لك سبقت لك الأيام \\ صرت الخميس وتوها الناس الأثنين

صباح الليل على السهرانين:hawamer5512

من كثر شوقي لك سابقت الأيام..
صرت الخميس وتوها الناس الاثنين !!

ياغمضة عيون المسا ..كل مانام..
يبدى الفجر من ضحكة شفاهك يبين ..

وعيني من أشباهك لها أنفاس وأحلام ..
وتنبت لجفني كل ماشفتك يدين ..!!

ياكلمة ٍ ماجت على بال الأقلام ..
كن المحبه والوفا لك معي دين !!

أصبر علي بالله يافجر الإلهام..
وأنا الله أعلم جيت من وين ولوين ..

أجيك وأنسى ظلي هناك ماقام ..!!
وأترك نظر عيني معك وآخذ العين ..

ياسندرلا .. والعمر سبـــــعة أقزام..
وقلبي سفينه .. والمجاديف ضلعين..

فيني وله ..فيني بكى.. فيني إهيام..
وفيني شعور أني لو أتعب تحسين ..

وياحفلة الدمع بعيوني .. والأوهام..!!
ماطرّوا المسرى ضيوفك إلى الحين ..؟؟!

أما أحسبيها ليله أطول من العام..
وإلا أكتبيها ساعه إلا أربع سنين ..!

وأنتي تموت بوصفك حروف وأرقام..
تكوين.. لكن.. ما يشابهك من تكوين ..؟

وأنتي عيونك شرك وأهدابك أصنام ..
وأبليس ثغرك .. بس شعرك شياطين..

وأنتي بلونك.. حارقه كــل رسام ..
وكن القمر صورتك من غير تلوين ..

وأنتي سحر ماحرمك دين الإسلام..
دمك عطر.. والعطـــر لك... فساتين ..

إن قلت أحبك .. تلبس حروفي الاحرام..!
وأن قلت أبيك .. أحس للقلب رجلين ..

والعام جيتك .. منفذٍ حكم الإعــدام..!
وقلتي لي أصبر.. ها.. صبرنا وبعدين ؟؟!

واليوم من شوقي طمرت أربع أيام ..
وأمسيت سبت ..واصبح الناس الأثنين .!!

:hawamer4412:hawamer4412:hawamer4412

وسلامتكم:hawamer5512