|
جلسة ( عشق وذكريات ) مع شاعر الملتقى الاستثنائي سعود 2008 سعود 2008 الشاعر الاستثنائي وقد لقبته ب( شاعر المعنى ) لم يعد له وجود بين اروقة الملتقى ؟؟!! عساه بخير ياسعود --اشتقنا لك اشتقت للحلم الصغير -- وجدار من طين وحصير وقمرى ورى الليل الضليل ---عند الغدير وان هبت النسمة --- ت ك س ر بداية -- ما احوجنا بأن ترسى مشاعرنا مع الرائعين امثالك . يفيضون حبا - فنزداد شوقا ونتسامر مع حروفهم الهاما وذوقا . سعود شاعر المعنى الشاعر الاستثنائي -- اغتربت وتركت الملتقى في غربتة !! لم يعد للصبح جمال على انغام الشعر كما كان -- ولم يعد للمشاعر الهام بعدما رحل - كان يطرق كل الاحاسيس بابياته الشعريه ليوقضها من سباتها -- لا ادري عن سبب غيابه ارجو ان يكون بخير ؟ يا سعود تسكن خاطري تلغي همومي وحسرتي مثل الفرح اتخيلك -- مثل ابتسامات الصباح ------------------------------------------------ قال في احدى روائعه بعنوان لا تذكرت الغياب وقلت يالله لا تعيده إن كتبتك في قصيدة نعنبو ذيك القصيدة نعنبو كل الحروف اللي تحاول ترتقي لك أشهد انك فوق وصفي وسط قلبي في وريده اتربص بالمعاني واتحفز وارتكي لك أحسب اني قد وصفتك في دواويني الجديدة واثرني لازلت تايه وسط خامر سلسبيلك طوّعيها يا الليالي علّها ترضى العنيدة يمكن ينسنس هواك وينتشي خافق عليلك اذكريني لاكتبتك وارحمي عين ٍ سهيدة ظلليني في غرامك واحتوي خافق خليلك لاتذكرت الغياب وقلت يالله لاتعيده تعرف اني ما نسيتك واسالي قلبك دليلك تلني يا قاف شعري للمراقيب البعيدة يم يعفور الغرام وشاغل الدنيا وجيلك الوعد ريضان صدرك والكواعيب النهيدة والمروج اللي تدّلت سحر من باهي جديلك وإن رسمتك في حروفي تاهت الريشة بليدة اعذريني واعذريني والعذر آخر جميلك الله اكبر يا الأنيقة مستحيلة يا الفريدة والله اني ماوصفت ولا نصفت وعزتي لك والله انك راس مال وعزوة سعود ورصيده والله انك روح روحي وآآآآآآآه ويا حبني لك مير يابنت الرجال اللي على الصملة شديدة اجبري كسر القصيد وجاملي يافدوتي لك سعــــــــــــــود ------------- وفي رائعة اخرى بعنوان مترف الظل قالت سلام وفز قلبي من اقصاه يامرحبا باللي على خافقي هل ايه ارحبي حياك يا داه ودواه ايه اقلطي يازين من شرّف وطل تدري سلامك لي شهور اتحراه ؟ اطرد سرابك وين يرحل وما حل اشم عطــرك واعشقه واتمنــاه انثرك جوري واتحراك يالفـل اثقل عليك وخافقي فيك هقواه واحاول اقسى مير هالقلب معتل نوّخ ركاب الشوق وخل المجافاه واستوطن الخفاق واختال واحتل تعال واسمع مذهلة والمعاناه وماعاد بدري والأماكن وترحل واسمع شبيه الريح واسمع لــ أواه وليل التجافي والرسايل ومزعل ماشتفك الا حلم واحلم برؤياه وما عشتك إلاّ قيض يا مترف الظل --------------------------------------------- ما ادري ياسعود ياشاعر المعنى عسى ان تمر من هنا لتعلم اني لم انساك --بل قد افتقدتك كثيرا -- كثيرا ! اخي سعود هذه الابيات هدية من خاطري لك ما كتبت الشعر اغني فرحة بالمادحين كل حرف فيه دمعه من عيوني نازفه وما بكيت افراق خلي مثل وضع العاشقين حسرتي ضياع ذاتي هذي كل السالفه ------- |
| الساعة الآن 10:54 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir