مستاجر شقة جديده ومتبهذل فيها انواع المشاكل نصايحكم
 

السلام عليكم
استاجرت شقه وانا اول ساكن فيها وعلى وشك اكمل سنه ونص
اول ماسكنت الشقه زي الورده
واجهت مشاكل فيها
1- جدار غرفة النوم والصاله متشقق

2- المغاسل تنسد بسرعه غريبه والبلاستيك اﻻنبوبه اللي تصرف الموية اللي تحت المغسله يقطر ودايم افك واحط عليه تيب ابيض وارجعه

3- رائحة المجاري كريهه جدا بالحمامات ولكن ليس دائما

4- لمبات البيت وخاصه الزينه الصفرا دايم تنحرق وقد غيرتها واﻻن نص لمبات الشقه محروقه

5- دفع الماء قوي جدا لدرجة كسر دشوش الماء حقت الترويشه وطيح قاعدتها اللي تتثبت بالجدار وصار يتسرب من نفس المفصل من تحت

6- وانتم بكرامه لي الموية تبغ الغسيل حق المرحاض
كان رشاش وخرب الرشاش دايم يطلع مويه واﻻن اقفل الموية من المفصل ماتتقفل ودايم المويه مفكوكه

7- باب الرجال قعد مده مقفل وناشب لين جبت نجار يحك الخشب عشان يفتح ويقفل

ايجاري 26 الف بالسنه وبعد شهرين ﻻزم ادفع اﻻيجار

وش تنصحوني فيه

هذا لي سنه ونص وجديده وكل هالمشاكل فيها
اطلع واﻻ اقعد

ووش الحاجات اللي يحق لي اطلبه يصلحها؟؟

ونقلة العفش خابرينها

الشقه مجلس حريم ورجال وغرفة نوم وصاله وحمامين الخبر