منتديات شمس الحب - هيئة سوق المال اتصلوا بي لرفعي شكوى ضد اتحاد اتصالات.

السلام عليكم ورحمة الله وبركاته

اخواني قد كتبت امس موضوع لكيفية رفع شكوى ضد اتحاد اتصالات موبايلي. في هذا الموضوع
http://www.hawamer.com/vb/showthread.php?t=1669618

امس رفعت الشكوى وجاتني منهم رساله ظهر اليوم بقبول الشكوى.
وقبل قليل تم الاتصال بي من قبل احد الموظفين المختصين بهيئة السوق المالية لرفع الشكاوي
وقالي يوجد الكثير ممن رفعوا شكاوي ضد اتحاد الاتصالات منذ الامس وقالي ليش رافع شكوى ضد موبايلي ايش السبب؟
طبعاً هو عنده فكره عن اللي حاصل وقلت له نحن المستثمرين شرينا في سهم موبايلي بناء على ارباحه الربعيه الملياريه وتوزعياته المجزيه. لكن الان تطلع الشركه وتعترف بانها ارباح مستقبليه وهميه بكذا خدعت المستثمرين

ولو درو المستثمرين عن هذي الارباح المتواضعه ماكان اشتروا واستثمرو بالشركه.

قالي طيب ايش التعويض اللي تبيه؟

قلت له التعويض هو بفارق السعر بين شرائي للسهم وسعره الاخير اللي راح يوصل له. بمعنى انه يرجع لي راس مالي.

قالي احنا ان شاءالله راح نرفع هذي الشكوى الى اتحاد اتصالات ونبلغهم بالمادة رقم 56 اللي تنص على تعويض المتضررين بسبب معلومات وهميه. وراح نشوف هل الشركة تقبل بتعويضك ولا لا. وقالي راح نتصل عليك بعد اسبوع او اسبوعين ونقولك.

وقال ايضاً لو تحب ترفع دعوى ضد موبايلي من خلال لجنة في هيئة السوق المال يمكنك ذلك عن طريق زيارة مقر الهيئة.

هذا ماحصل واحببت ان اشارككم به. وارجو كل المتضررين بأنهم يقدمون شكاويهم

موبايلي وبكل صراحه خالفة انظمة هيئة السوق الماليه دورنا الان نحن المستثمرين نبين للشركات وللهيئة بعلمنا بهذه المواد والانظمه ونقدم شكوى. الى متى راح نسكت على ظلم الشركات لنا؟

هذا وصلى الله وبارك على نبينا محمد وعلى اله وصحبه اجمعين