منتديات شمس الحب - اهلي رافضين اني اتزوج بدون سبب يذكر !!!

السلام عليكم ورحمه الله وبركاته

اشتكي لكم بعد الله
اهلي رافضين اني اتزوج بدون سبب يذكر منهم
حتى الوالد بالتحديد يتحسس اذا جبت طاري الموضوع
مره يقولون راتبك ما يكفي ومره يقولون البنت تبي ملكه وتبي مصاريف
يحاولون يعقدونها انا عمري بدخل 29 سنه وراتبي 5600
ورصيدي فوق 110 الف ريال والحمدلله مجمعه وحارم نفسي من طلعه سفر
ومصاريف عاديه وسيارة
وانا شخص حبيب اللي يطلبني 100 اعطيه 1000 وما اقصر مع اهلي واخواني
والحمدلله انا شخص كامل والكامل الله ما عندي رفقاء السوء وموب راعي طلعات
ولا ادخن ولا اشرب ولا راعي بنات ولا عمري غازلت او تم ايقافي من اي جهه
اما هيئه ولا شرطة او مرور والحمدلله شخص متربي تربيه رجال يخاف الله قبل كل شي
وما طلبت الزواج الا اطلب الستر لانه هالحياه صعبه وعايش حياتي عزابي
بس مادري ليش اهلي رافضين يحسسوني ان البنت حوريه من حوريات الجنه
يوم تقولي الوالده بنات الحمايل
الوالده الله يهديها تحاول تعقدها تقول اقل شي الملكه تبي 50 الف وعرس الرجال
فوق 20 الف وارد اقولها مقدور عليها وزيادة وتقول السكن اقولها ايجار
بـ 30 الف وتروح لموضوع ثاني كم تعطي للبنت كل شهر
قلت اللي اشوف انا وهي تقول لازم تعطيها 3000 قلت طيب شي راجعلي
ومعها ليش التعقيد بعد كذا صارخت علي قالت موب خاطبلك وسحبت نفسي عشان ما ادخل معها في نقاش حاد