رواية يعذبني بخصامة كاملة
 

ببسم الله الرحمن الرحيم








اضع بين ايديكم رواية يعذبني بخصامة



الــــــــــــجـــــــــــــــزء الأول


ياما تحملنا من افراح واحزان ..... وياما مشينا الدرب صعب وسهاله
الريم عمرها 18 سنه عايشة بماليزيا هي وابوها وامها وكانت وحيدتهم فكانت طلباتها اوامر كل اللي تبيه تلقاه عندها يمكن بسبب بعدهم عنها وانشغال ابوها بالشغل وامها كانت تكمل دراستها كانت 24 ساعة على النت وبالتحديد الماسنجر وكان عادي عندها ترمس بنات وشباب طبعا اهل امها وابوها بالامارات وهي ما تعرفهم يعني ما تعرف الا اسامي لانها من اندولدت وهي بالدول الأوروبيه بس كانت تعرف ترمس امارتي عدل وطبعا بالأنجليزي توب كانت وااااااااااااااااااايد حلوه واحلى شي فيها عيونها هي تلبس شيله بس اطلع شعرها وطبعا عباية ما كانت تلبس اسلوبها بالرمسة راقي ووايد يشد أي حد ترمسه وهي وايد طيبة
ع الماسنجر
قال لي احبج قلت له متى موعد الخيانة (الريم):
مرحبااا ملاااااين في ذمتيه وان زادن لاباس
غرشوب الشارجة (خالد) :
هلالالا والله شحالج
قال لي احبج قلت له متى موعد الخيانة:
ما نشكي باس شخبارك انت وشخبار الأهل
غرشوب الشارجة :
يسرج الحال .... اقول ليش البارحة ما دشيتي المسن
قال لي احبج قلت له متى موعد الخيانه:
كنت مشغولة شوي.... صدج كل عام وانت بخير
غرشوب الشارجة:
وانتي بخير بس وين الهديه
قال لي احبج قلت له متى موعد الخيانه :
افا عليك اطلب اللي تبيه
غرشوب الشارجة:
ابيج تغيرين النك مالج


قال لي احبج قلت له متى موعد الخيانه:

لحظة شوي....... ها شرايك الحين



غرشوب الشارجة:

هذا حلو والله خاطري اعرف شو اللي كان عايبنج بهذاج النك واايد طويل


غرشوبة ماليزيا:
ما ادري بس جذه
غرشوب الشارجة:
اقول الريم انا بطلع الحين اوكي
غرشوبة ماليزيا:
لييييييش
غرشوب الشارجة:
تراني رايح عند عيال عمي بالعين
غرشوبة ماليزيا:
ايوه خلاص عيل مع السلامة
غرشوب الشارجة:
مع السلامة
غرشوبة ماليزيا:
لحظة خالد بقولك..........
غرشوب الشارجة :
آمري
غرشوبة ماليزيا:
اباك تصور اماكن بالامارات واطرشها لي
غرشوب الشارجة:
افا عليج ما طلبتي ان شاءالله يومين والصور عندج
غرشوبة ماليزيا :
مشكور..( وطلع من الماسنجر)
ميري:Mrs Alreem your father asked you to go to him
الريم:Ok Iwill come Now
ونزلت الريم تشوف ابوها شو يبي منها
الريم: السلام عليكم
بوالريم: وعليكم السلام والرحمة .... تعالي حبيبتي اباج بسالفة
الريم: آمر ابوي
بوالريم: انتي يالريم تدرين انج من يوم ما انولدتي وانتي هنيه بالغربة وعمرج ما رحتي الامارات وحتى اهلج ما تعرفينهم فقررنا ان وامج انه نخليج تردين الامارات
الريم مستغربه: ارد الامارات ليش وانتو ؟
بوالريم: انتي تعرفين ظروف شغلي وانا الحين لازم اروح عقب يومين بلجيكا وامج ما تقدر ترجع معاج عشان دراستها وهي ما بقى لها الا سنتين وعقب بتلحقج
الريم: ابويه ما عليه انا بترياكم ونرد مع بعض
بوالريم: يالريم محد ضامن عمره متى بيموت وانتي لازم تعرفين اهلج اللي بالامارات
الريم: اوكيه ابويه ادري ان العمر ما ينضمن بس كيف تبوني اعيش بالامارات مع ناس ما اعرفهم وكيف تبوني ابعد عنكم سنتين
بوالريم: حبيبتي هالسالفة خلاص انتهت وانا حجزت لج وباجر ان شاءالله بتردين الامارات
الريم : بس...
بوالريم:لابس ولاشي
الريم تضايجت لان ابوها دوم ياخذ قرارات بالنيابة عنها ويوم ينتهي من السالفة يخبرها عقب قالت : على امرك ابوي باجر ان شاءالله بكون بالامارات
بوالريم: خلاص عيل.... حبيبتي تراني ما ابي الا مصلحتج
الريم: ادري ابويه بس بغيت اسالك شو بيصير يوم بوصل الامارات وين بروح ومنو اللي بيي ياخذني من المطار وانا اساسا ما اعرف حد فيهم
بوالريم: ما عليج انا برتب هالسالفة
الريم: انزين اقولك انا بطلع السوق بشتري لي اغراض اوكي
بوالريم: اوكي بس تحملي على عمرج غناتي
الريم: ان شاء الله ابويه
بالامارت
مايد: اقول خالد سمعت اخر خبر
خالد: لاوالله شالسالفة صاير شي
مايد: منو تتوقع بيي الامارات باجر
خالد: منويعني
مايد: اخاف اقولك ما تصدق
خالد: ميود يالله عاد قوووول
مايد: بنت عمك منصور
خالد: قوووووووول والله خيبه ما بغو يردون الامارات
مايد: لاحبيبي عمك وحرمته ما بيردون
خالد: انت تستهبل شو؟ توك تقول انهم بيردون
مايد: انا قلت بنت عمك ما قلت عمك وحرمته
خالد: كيف يعني بيخلون بنت ترد بروحها
مايد: هاللي سمعته انها هي بس اللي بترد
خالد: هي شواسمها
مايد: بنت عمك وما تدري شو اسمها
خالد: يالله عاد قول
مايد: اسمها الريم
خالد: الريم
مايد: هيه فيه شي الاسم
خالد: يعني اسمها الريم والا هذا دلع بس
مايد: والله ما ادري بس الكل يقول لها الريم ما اظن عندها اسم ثاني
خالد: انزين بلاك مستانس جنه تعرفها
مايد: لاوالله ما اعرفها كل اللي اعرفه عنها ان اسمها الريم منصور ال***** عمرها18 سنه وحتى شكلها ما اعرفة
خالد: انزين مع منو بتسكن
مايد: والله ما يندرى يا مع اهل ابوها والا مع اهل امها
خالد: كيف يعني تفعد مع اهل امها جيه عمامها ما بيقدرون يصرفون عليها
مايد: انزين بلاك احتشرت
خالد: ما احتشرت عادي
مايد:لا تخيل اتي وتقول انا بسكن بروحي
خالد: تخسي الا هي دام السالفة جذه خل تقعد عند اهلها احسن لها
مايد:ههههههه والله انك تحفه لاتنسى انك ما تقدر ترمسها ولا تتحكم فيها ولاتنسى انها عايشه حياتها كلها وانولدت وهي برع الامارات وما تعرف أي شي عنا واكيد هي بتحصل صعوبه بالتأقلم معانا
خالد: ليش وهي تتحسب انها لو يت الامارات بتسوي اللي تبيه
مايد: انت ما تدري شو بيصير انت بس استهدى بالله بلاك جذه معصب
ومن صووووب ثاني
هاجر: ياربي كيف تتوقعون شكلها
منى: يعني كيف بيكون شكلها حالها حال أي بنيه ثانيه
هاجر: تتوقعون انها تلبس عبايه وشيله
امل: صراحة ما اتوقع ... احسها بتكون وااايدFree
هاجر: اخافها تطلع خقاقة
منى: انتو بلاكم من الصبح وانتو ترمسون عنها حشى قطعتوا البنيه خلاص باجر بتي وبتشوفونها صراحة الله يعينها عليكم
امل: منوه بلاج احتشرتي علينا يعني بالذمه انتي مو خاطرج تشوفينها
منى : الصراحة عادي عندي لاني اساسا ما اعرف عنها شي كل اللي اعرفه انه عندي بنت عم عمري ما شفتها اسمها الريم
هاجر: اقولكم وين سلامي والبنات
امل: ما ادري يمكن فوق
منى: عيل شو اللي مقعدنا هنيه قومو خل نروح عندهم
هاجر+امل: يالله
في ماليزيا
الريم ما خلت شي بالسوق ما شرته وكل ما تقولها ربيعتها بسج تقول لاتراني مهاجرة يحليلها الريم كانت وايد تفكر باللي ينتظرها بالامارات وتحاتي كيف بتكون مقابلتها مع اهلها وثاني يوم الصبح كانت داشة الماسنجر..... هي اغلب البنات والشباب اللي ترمسهم من دول الخليج اما الامارات فكانت بس ترمس غرشوب لشارجة خالد وعسوله راك مهرة وهالمرة كانت داشة باسم غزلان الريم
غزلان الريم:
صباح النور
غرشوب الشارجة:
صباح الفل والياسمين شصبحتي
غزلان الريم:
ما نشكي باس ... اقول ما اقدر ارمسك واايد اليوم
غرشوب الشارجة:
افا ليش صاري شي
غزلان الريم:
لامو صاير شي .. بس تعال اقولك توصي على شي من ماليزيا
غرشوب الشارجة:
لاما ابي شي ليش تسألين
غزلان الريم:
تراني راده الامارات اليوم


غرشوب الشارجة:
قولي والله
غزلان الريم:
والله
غرشوب الشارجة:
انتي بس خبريني متى بتين وما اكون ولد ال***** لو ما سويت لج استقبال بالمطار
غزلان الريم:
انت *****
غرشوب الشارجة:
هيه اللي يسلمج انا خالد محمد علي ال***** وانتي منو؟ انا ما اعرف عنج غير انج الريم
غزلان الريم كانت صدج مستانسه ان غرشوب الشارجة طلع ولد عمها على الأقل طلعت تعرف واحد منهم
غرشوب الشارجة:
وينج اذا ما تبين تقولين عادي كيفج
غزلان الريم:
افا عليك معاك الريم منصور علي ال*****
شو اقولكم عن خالد كلمه انصدم شويه على اللي صار فيه من قرى الاسم معقوله هو يكلم بنت عمه من اكثر عن سنه وما يعرفها وهواساسا توقع ان اسم الريم مو اسمها الحقيقي
غرشوب الشارجة:
احلفي انتي بس
غزلان الريم:
والله ويالله مع السلامة بروح ازهب اغراضي وظهرت من غير ما تشوف رده



هذا البارت الآوال كامل

ابغى تفاعل