منتديات شمس الحب - يابــــــــحــــــــــــرٍ

منتديات شمس الحب (http://www.x2z2.com/vb/)

- نثر - خواطر - همسات (http://www.x2z2.com/vb/f13.html)

- - يابــــــــحــــــــــــرٍ (http://www.x2z2.com/vb/t16385.html)

يابــــــــحــــــــــــرٍ

لك الله يابحر من ويـن جبـت الصبـر ياصبـار ..

وأنا صبري عجز لايكتـم اللـي شفـت بأقـداري

أنا يابحر همـي ساحلـك .. والمركـب الـدوار

يسوق الموج للمينا وتصدم فـي صخـر ظـاري ..

أنا مـدك وجـزرك والهـوى والليـل والأنـوار

طلبتك يابحر .. نزل شراعـك واسمـع أخبـاري

أنا شلت الغرام اللي سنيـن العمـر بـه تحتـار ..

وتهت وضعت بين المستحيل .. ورغبة أصـراري

سريت الليل أنا يابحـر كـن النجـم لـي سمـار

ووصلت لشطك الظالـم ولاأدري ويـن مشـواري ..

وعجزت أغلق شبابيك الحزن وأرخي عليها ستار

وأخاف الشمس تفضحني نهار يشوفنـي جـاري

سبحتك ليـن سمونـي بعـدك ((بــ فلان )) البحـار ..

تعال وعوم فينـي .. شـوف لولـوي ومحـاري

تعال .. وشف أثر عصفور سطح الماء فزعه وطار

ودور لي هنا ضلع تـوارى .. ويـن متـواري ؟!

توارت قبلـه دموعـي عـن الجـلاس والأنظـار

وتوارت قبله أحلامي .. وعاشت خارج أسـواري

سريت الليل وأثر الليل نـاوي يفضـح الأسـرار ..

وأثاري كـل ليـل مرنـي مـن فرحتـي عـاري

أنا ماأذكر من الرحله سـوى دمـع همـا مـدرار

ومجداف رميته في ظلامـك جيـت بـه سـاري ..

أنا غصن ظلمه الوقـت ماعـدت عليـه أمطـار

رداة الحـظ خلتنـي .. أعيـش آطـار آثـاري!

نا أدري مابيدينك فـرح تعطينـي عليـه اقـرار ..

وأنا أدري ان السكوت أرحم من الشكوى لجـزاري

أنا جيتك أبي أخمد علـى شاطيـك بعـض النـار

وأثر حالك مثل حالـي تعانـي الجـرح وتـداري ..

بحر .. بالله توعدني وعد .. لاتفضـح الاسـرار

يهـون المـوت بأمواجـك ولاتتشتـت أسـراري

لي الشرف اني اكون اول وحده ترد ....

مبدع واكتر من مبدع ..

خيووو طلوووووووول احس ان الكلمات ما تعبر عن روعه كتاباتك ...

أنتظر جديدك ...

تقبل مروري ...

تـــــــــــــ ح ـــــــــــــــياتي إلك

اقتباس:

انـآآ اللي الشرف انك اول وحده ترد

الآبدآآع نتعلمهـ منك يآآ ذووووق

مشكوورهـ ع المرووور اللي زادني فرحهـ وسروور

عوافي

منوووووورهـ

نا أدري مابيدينك فـرح تعطينـي عليـه اقـرار ..

وأنا أدري ان السكوت أرحم من الشكوى لجـزاري

أنا جيتك أبي أخمد علـى شاطيـك بعـض النـار

وأثر حالك مثل حالـي تعانـي الجـرح وتـداري ..

بحر .. بالله توعدني وعد .. لاتفضـح الاسـرار

يهـون المـوت بأمواجـك ولاتتشتـت أسـراري

مره اعجبتني الابيات وبالذات الاخيره
يعطيك الف عافيه اخوي

اقتباس:

الله يعاافيك خيتووو

مشكوورهـ ع المرووور الروووعهـ

تشكرآآت ع الرد الذوووق ياااذوق

عوآفي

منوووورهـ