منتديات شمس الحب - صباح المسك يا جدة,صباح احدث طريق شفناه ,يسمونه نفق في الغرب, وقبر مفتوح في جدة

صباح المسك ياجدة..
صباح السيل .. ويل .. وويل ..
على عيني .. وعلى عينك .. نحر جدة ..

وبعد الهرج .. وأخذ وصد .. جانا الرد ..
بأن السيل .. ماله ذنب ..
ضعيف الله .. كان يمشي على أرضه ..

صباح الهم ياجدة ..
صباح الطفل في قويزة غرق..
مو في البحر ..كان نايم في بيت جَدة..

صباح العلم..في القرطاس..وسط الدرج..
شاله السيل في دربه..

صباح النصب..ياجدة..
صباح الغش.. ياجدة..

صباح احدث طريق شفناه..
صاد الناس..بدون احساس..
يسمونه..(نفق) في الغرب..
و(قبر مفتوح)..في جدة,,

صباح الحزن..ياجدة..
صباح فيه التعب زايد..على حدة..

صباح الشفط..ياجدة..
احد يدفع عشان يشفط وسخ بيته..
واحد يشفط عشان يدفع..
ثمن كرسي..وسيارة..ورحلة صيف..ومن قده..

صباح أجمل عروس كانت..بدون ألوان..
صباح أتعس عروس صارت..وبالألوان..

صباح الغم..ياجدة..
أسى وأحزان..

صباح الصمت ياجدة..بلاغة..
وكثر الهرج ياجدة..مجاغة..
وصباح المسك يا جدة..
a.alomari