منتديات شمس الحب - يانجـــــــــــــــــــــــــد ! بالتذكير .

يانجد صيـــفك يقطع القلب حره .. .. .. شـــتان مابيـــــــــنك ومابـين بيـروت .
أقفى ربيـــعك بالفـرح والمسره .. .. .. وصيفك وصل . بالعج والحر والموت .
جوٍ . سمــوم القيــظ دايم تكره .. .. .. واليا ركــد ! ماكــــني إلا بتـــابــــوت .
واليا لحقني منك بعض المعره .. .. .. اسمح لي ارحل .عن فيافيك . بسكوت .
شهرين . أبيها منك بالعام مره .. .. .. ألبس بها البنطال . وألبس بها الكوت .
وآخذ على لبنان والشــــام فره .. .. .. آكل من الرمان . والخــــوخ والتــوت .
واشوف ناسٍ بالبلد مســــتقره .. .. .. سووا لهم فيها . مقاييـــل وبيـــــــوت .
وأمر دربٍ . قدمي الزين مــره .. .. .. ياكثر ماشفته . يجي منه . ويفـــــوت .
زين ودلع وعيون حلوة وغره .. .. .. يمشي على كيفه مع الناس مفلـــــوت .
تقصر فنيِّلته على حــد ســـره .. .. .. والنهد يرقص لي . على دقة الجـــوت .
........
يانجد . صيفك لوذبحني بحره .. .. .. حييت . في أرضك . وفي أرضك آموت .
للشاعر / ذيب جمران .
أما أنا إن شاء الله . عشرة أيام بالنماص . والحمد لله .