اشكر الاخ الغالي شرقاوي للسماح لي بطرح موضوعي عبر حسابه ,,,
الاخوه الكرام ,,,
استاجرت شقه وكان صاحب الشقه بصراحه جدا انسان يظهر عليه الطيب والاخلاق الكريمه وباين عليه انه انسان ماعنده اي لعب ابدا
وهالشي عرفته من تعاملي معه لما طلبت اشوف الشقه
ارتحتله
كثير ,,,
شفت الشقه واعجبتني وتوكلنا على الله وكتبنا العقد
بعد ماكتبنا العقد قالي ببري ذمتي شفت اللمبات اللي في المكان الفلاني
قلت ايه
قال هذي تبع طبلون شقتك !
تفاجات انا واللمبات اللي يقصدها كانت صغيره وعلى مكان مرتفع في العماره من الخارج جهة الشارع
قلت خير ان شاء الله وسكتت يعني كأني وافقت مجبر لانه حتى لو اعترضت
كيف تقولي هالشي بعد ما وقعنا العقد
سكرت الطبلون اللي داخل شقتي
بعد فتره جيت وقت المغرب فتحت الطبلون وتفاجات انه اللمبات اكثر من اللي قالي !
يعني فيه اربع لمبات في الخارج على جدار العماره في الخارج جهة الشارع
ولمبتين طوال داخل الحوش اللي يدخلك للعماره اضافه الى اللمبات الصغار اللي هو قالي !!
تفاجات وتضايقت
كثير وبصراحه وقتها كرهت الشقه ومادري كيف اتصرف
يعني حتى مهما كان المفروض على الاقل يعطيني خبر وانا اللي اقرر في النهايه
طبعا كلمته وقلتله الموضوع
ارتبك شوي قال مادري يمكن اللمبات الزياده على راعي الشقه الثانيه !
بس انا تاكدت بطريقتي انه اللمبات تابعه لشقتي
بعدها سكرت الطبلون وقعدت اسبوعين ورجعت
شافني ولد راعي العماره وسلم علي كان اول مره اقابله
كلمني انه اللمبات اللي في الحوش على طبلونك وهي مسكره علشان طبلونك مسكر
ويطلب مني افتح الطبلون ( كان يتكلم بادب واخلاق )
قلتله ان شاء الله خير
فتحت الطبلون
والحين مسافر من اكثر من اسبوع ومسكر الطبلون
بس ماراح يتضرر احد من السكان من تسكيري لانه الحوش فيه اضاءة معقوله جدا
من الشارع واصلا حوش حدا صغير مايذكر
والباقيات على الشارع
المهم ماحد كلمني طول هالفتره
بس انا متضايق بصراحه وكرهت الشقه بعد ماكنت فرحان بالشقه وكنت اقول ان صاحب العماره انسان جدا طيب ومازلت والله اقول طيب بس ماادري وش افسر هالشي
يااخوان بصراحه اعتبروني اخ لكم
وش رايكم باللي صار ولو انت بمكاني وش تسوي ؟ وكيف تتصرف ؟
ووش التصرف اللي تعتقد انه مناسب وحكيم في هالشي
انا مااوضعت المشكله هنا الا لثقتي بكم وبارائكم الطيبه والحكيمه
اسال الله ان يوفقكم جميعا وان يوفق الاخ شرقاوي للسماح لي بالكتابه
ولاتنسونا والمسلمين من خالص دعائكم
وفقكم الله
تستطيع المشاركة هنا والرد على الموضوع ومشاركة رأيك عبر حسابك في الفيس بوك
hsjh[vj ari ,h;jatj ad qhdrkd ;edv
المواضيع المتشابهه 
استاجرت شقه واكتشفت شي ضايقني كثير 
العرض الشجري
