منتديات شمس الحب - ياحظ من حطوا عليه النصـايب = والرب راضي عنه وابـوه وامـه.......

ياخوك ياكثر البلا والمـصايـــــــب = سود الليالي بالغـثا مستتمــــــــــه

ان عشت ورتك العجب والعـجايب = عزي لمن سود الليالي تخمـــــــه

إلى اقبلت ترقـيك متن السحايـــب = وإلى ادبرت ترديك في غب جمـه

باقبالها تفك عسر النشايــــــــــب = وبادبارها ترمي عليك المطـمــــه

لعاندت . تصبح تـقـل وجـه شايب = ولطاوعت . طفلٍ يغاغي على امه

عيت تطاوعني عساها الذهايـــب = قـلبتها في كل صـوبٍ ويـمـــــــــه

لابـد ما يـومٍ تـهـب الـهـبـايــــــب = وتجلي همومٍ بالحشا مدلهـمـــــه

ياحظ من حطوا عـليه الـنـصـايب = والرب راضي عنه وابـوه وامـه

احمد بن عبدالرحمن العريفي
(نديم المجره)