منتديات شمس الحب - ثم اكشفت وجهٍ حوى كامل الزين = بدرٍ تجلى عن سواد الغمامه.......

جتني تسلم في سلامه عمى عـين = ياليت ربي فـكـني من ســلامـــــه

مدت يمينٍ ساعـدتها الشياطــــــن = وزودٍ على ضغط اليمين ابتسامـه

ثم اكـشفت وجهٍ حوى كامل الزين = بدرٍ تجـلى عن سواد الغمـامــــــه

وقالت بصوتٍ بحه الهـــــم والبين = والحزن واضح في ثنايا كلامـــــه

وينك ثمان اسنين مالك عـنـاوين ؟ = ولا لقينا بالوطن لك عـلامــــــــــه

درت البلاد ودرت كل الـميـــــادين = ودرت الشمال ونجد واعلى تهامه

تركـتني واقـفـيت مثل الشيــــاهين = حـطمت قلبي واسود الوقـت ظامه

لازال حـبي لاجـيٍ بالـشـــرايـيـن ؟ = والا خـذا قـلبك فــريد الـعـــدامــه

وتبسمت والدمع وصل الشفـاتيـن = والياس ركـز بالضماير خيامــــــه

قالت وانا صامت ولا قلت حرفـين = الصمت في بعض المواقف شهامه

وسحبت انا يدي وغمضت بالعين = وابعدت عن درب الخطا والندامـه

حـماني الله في ثلاثٍ مع الـــــدين = العقل والعـفه وخوف المـلامـــــــه

احمد بن عبدالرحمن العريفي
(نديم المجره)