منتديات شمس الحب - بنغلاديشي معنا بالشغل يقولي ادخل معي بمشروع !!

السلام عليكم ورحمه الله وبركاته

اليوم جلست افضفض مع بنغلاديشي مهندس معنا بالشغل
وجالس اشكي حالي لا زواج ولا راتب ولافلوس وانا ماكذبت وانا صادق
وهو راتبه دبل راتبي المهم كأنه كسر خاطرة شوي وحس بمعاناتي
المهم جلس يقول وش رايك ندخل في مشروع
وجلس يقولي سواليف عن بعض عيال ديرته يقول كان واحد يشتغل هنا عند واحد سعودي
في احد الاسواق وبالاخير فتح شركة في بنغلاديش ورجع وربعه شغالين له بالسعودية
مادري كيف يقول يحولون له الفلوس وصار تاجر وله دخل بالملايين
الزبدة مالنا بالملايين والله يرزقنا
يقول وش رايك نفتح بقاله يعني علي الرخص وانا ما اعرف بالامور شي
تذكرت التحذيرات اللي يقولون عنه الحكومه اللي هي التستر وغرامه 100 الف
وسجن وجتني ام الركب مادري كيف الاجراءات وهل عادي اطلع تراخيص
للعمال ولا للمحل وانا ما ادري عنه خير شر اللهم على كلامه يجيك دخل
كل شهر مادري شهرين 3000ولا 5000 ريال
حتى يقول الشريك واحد بيجي من لبنان وشغال هناك ويمكن بعد اسبوعين يجي
ونتفق مادري هالشريك من جماعته او جنسيه اخرى
وش رايكم لو انتم في مكاني
المهم معروف لدينا قاعدة البنغلاديشي كذاب وحرامي ...الخ لكن هذا مادري عن وضعه بصراحه
الزين فيه انه شغال معنا واذا لعب بذيله لعنت خيره
لانه والله ودي بدخل لكن راس مالي ولا يجي 50 الف
وفوق كذا حاولت احصل شغله بالليل ماحصلت