منتديات شمس الحب - يا أخوان محتار جدا بين الإعادة وشركة أرامكو محتاجكم

السلام عليكم

يا اخوان والله ما كتبت ذا الموضوع مره ثانية الا اني خلاص بنفجر من التفكير والحيرة
لازم أعطيهم خبر الاسبوع الجاي،

انا خريج كلية الهندسة وجاتني وظيفة إعادة بجامعة كبيرة بالرياض ، وبنفس الوقت جاني عرض من شركة أرامكو اما بتكون بالظهران او الرياض

محتار جدا جدا بين الثنتين و ماعندي احد أشاوره كل شوي لي رأي

انا بشكل عام رغبتي في العمل بشركة لأن بيئة الشركة تناسبني أكثر من الجامعة أعتقد لكن يوم جتني وظيفة الجامعة شفت فيها فرصة اني اكمل دراسة ويكون دوامي مريح بعد عشر سنوات يكون لي وقت مع عائلتي يعني بقدر أمشي نفسي فيها.
أرامكو على كلامكم بستفيد ماديا وبقدر أبني بيت خلال فترة قصيرة لكن بنعزل عن المجتمع

أنا سؤالي عن المستقبل هل من العمل بالجامعة معيد ثم دكتور ممكن أكون نفسي ماديا بشكل ممتاز و أقدر ابني بيت والا صعبة ؟

ارامكو ١٥ الف مع البدلات
والاعادة ١٠.٥ مع البدلات

الفرق مب واجد مقارنة بالراحة لكن على مدى ١٠ سنوات جاية ممكن يزيدون رواتب الجامعات خصوصا ان الراتب معتمدعلى البدلات

وبعيد عن الرغبة كيف مستقبل كل وحدة منهم؟

بإنتظاركم الله يفرج همي وهمكم