منتديات شمس الحب

لاجــيـــت ابـنـسى واتراجـــع واسامــحـــك
صاحن جـــروحي واشتـــكــــن لي طعــونك

كلك خـيــــانه قــــول وشـلـــون ابمــــنـحــك
وش موقـفــك من شخص .. دايـــم يخــونك

اكبر خــطا لو جـــــيــت يمــــــك اصــالحـــك
اوّل تحــــوّل .. لا تغــــــرّك .. إلحـــــــونك

اللي تـقـــــوله صــــح لو كـنـت جــــارحـــك
(مير) انت غــــارق للاســـف في ظـنــــونك

وصفـــك نسـيــتــه بس .. باقي مـــلامـحــك
بنهـــــيـــك وانهي .. بالنهــــاية جــنـــــونك

ماتســتـحــــــق (امـــــد) كـــفي واصافــحك
مثــلك غـلــــط عـــمــري وابحــــيـــا بدونك

لعــــبــــت دورك شاهــــدات ٍ مســــارحـــك
خـــــدعــتــني واظــهــــرت خافي فـــنـــونك

كنت اعـتـــقـــد قـلـبي هو ابــرز مـطامـحــك
اللي يـبـــــيــع الـنـــاس لجـــــلـــه يـصـــونك

تعـبــت اسوق الشــوق يــــمـــك واصارحـك
اخـلــصــــت لك بالحــب شـــوفــت عـيــــونك

لكن خســـــارة صـــــرت غـــــاية مصالحــك
يالـيـتــني ماجــــيــت .. لحـــظـــة بـكــونـــك

بالامـــس كـنـت بـنـشــوت الـحــب امــازحـك
اخـيـــل برقـــــك واتـحــــرى .. امــــــــزونك

واليــوم مـن صـفــــحــة حــيـــاتي ابـمـسحك
هــديـت صـرحــك ثم طــاحـــــت اركــونــــــك

ولابي عــيـــوني لـو تـصــــــورت تـلــمــــحك
اعـلـنـــت مـوتــك وانـســجــــن لي كـفـــــونك

وان جـيــت تطـلــب ترتـجـــيــني اســامـحـــــك
بـهــد يك طـعــــــــنـة من بـقـــايا .. طــعـــونك