|
طلعت من المستشفى وعرفت اني موب مواطن سعودي في هذا البلد .!!! السلام عليكم ورحمه الله وبركاته انا اليوم رحت لأحدى المستشفيات الكبيرة في الخبر بالمنطقه الشرقية وطبعاً التامين اللي عندي ابو كلب تصنيفه B وهذا اغلب الشركات وهذا المستشفى بدون ما اذكر اسمه وهو معروف وقديم طبعاً ما ياخذ الا تأمين vip في تأمين اللي انا فيه رحت بحكم اني احتاج لقسم خاص وما حصلته في المستشفيات المدعومه في تأميني لانه اغلب المستشفيات حريم وهذا المستشفى عندهم رجال وبدرجه ممتازة المهم الكشفيه طلعت بـ 250 ريال وفوق الادوية مثلها يعني بـ 500 ريال صحيح انقهرت بالمبلغ لكن العافية قبل كل شي لكن اللي انصدمت منه وهو اللي شاهدته بالمستشفى اجانب هنود باكستانين وفلبينيين وعرب مصري وسوري وسوداني وووالخ اللي شفتهم خلال ساعه ومعهم بزرانهم ما دفعوا فلوس يعني عندهم تأمين اما a وفوق جلست افكر يعني كلهم في شركات كبيرة ولا شغالين في ارامكو وسابك قلت لا ما يصير وبعضهم حالتهم حاله من ملابسهم كيف كذا مع ان المستشفيات كثيرة وهذا اغلاهم وكل مراجعينهم 98% اجانب اللي ينتظرون مع بزرانهم اللي معه حامل ولا مرته ولا بنته ...الخ مادري حسيت نفسي اجنبي في هذا الوقت النقطه الثانية بالمستشفى في بنات سعوديات يشتغلون بالاستقبال والله يوفقهم لكن اللي بينهم نص متر مصاريه بالغرفة الصغيرة ما علي نمشيها لكن ما امداني اجلس الا اسمع احد المصريين يطقطق عليهم بمزح وضحك وهم يضحكون ويردون وكأنه الوضع عادي وجب شاي وانت طالع ....الخ !! انا استغربت كذا مع اني اشوف بيان معلق من المستشفى بمنع الاختلاط بين الموظفين مادري هذا موب اختلاط وبس الا وناسه وطقطقه والموقع على هذا البيان مدير الطبي من اسمه اجنبي عربي !!! انا ما علي من هذا كله لست ضد او مع لكن لو انه سعودي قالت البنت ما بي اختلاط معه ولا اخاف يتحرش علي فقط لانه سعودي اما اجنبي عادي معه صحيح منا المحترم والسيئ لكن حتى الاجانب نفس الوضع مادمر شبابنا الا منا احنا نرفع للاجانب لهم البساط اكثر من اللازم النقطه الثالثه كان في سوداني مع مرته اعتقد المهم تمر عليهم وحدة سعودية من حقات الاستقبال وطبعاً بنات هاليومين رموش ومكياج طبعاً البنت متنقبه لكن انصدمت من رد مرت السوداني وهي تأشر على الركبه وتقول " بالاخير الركبه سودا " وتضحك مع رجلها !!!! مع انهم سودانيين !! مع الاسف هالمقوله اللي اسمعها من شعبنا يتناقلها صارت تقال علينا من العرب هالكلمه اللي يقولها ويذكرها في المجالس ومواقع التواصل الاجتماعي ما تمثل الا نفسه واهلة لانه اللي يقول هالكلام في نظري يشوف ركب اهلة سودا وصار يعمم على بنات البلد اللي اصبحوا طقطقه عليهم لدى الاجانب الا اذا كاشف على بنات الناس وركبهم هذا شي ثاني وانا الحمدلله عمري ما قلتها بين أهلي قبل ربعي ولا كبتها في مواقع التواصل عموماً وانا انتظر ومنصدم من الحال لا من فلوس الكشفيه ولا من الاحداث شاهد تلفزيون مركبينه المستشفى على قناة الاخباريه وتجي دعايه تقول و" وطن لانحميه لا نستحق العيش فيه " مادري هالكلمه تقصدني انا "السعودي" ولا تقصد الاجانب اللي عايشين في هالبلد بعز وراحه |
| الساعة الآن 05:07 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir