منتديات شمس الحب - السوق يكرر نفس السيناريو ...

تصدقون يااخوان سيناريو السوق يتكرر مرتين وثلاث كل سنه .. فلم ويعيدون

عرضه وحنا نشوفه بفلوسنا ..بالبداية السوق عند صانع السوق مصنف ل 3 اقسام

1- شركات محترمه مثل سابك الانماء المتقدمة والاسمنتات والخزف والراجحي

2- الزواحف مثل الاركان وامينتايت وكثير من شركات السوق

3- الخشاش مثل تهامه ووثمار سابقا ..

نفترض الان نحن بداية اغسطس ومؤشر السوق 9000 وسابك ب 100

والانماء ب 22 والمتقدمة ب 50 والاركان ب 9 وامينتايت ب 13 وتهامه ب 120

يااخوان الارقام غير مدققة ..فقط لتسهيل وصول الفكره لكم

سيناريو الفلم

1- تبدأ نسمع ونقرأ كثير من يقول بان الاسعار متضخمه وشركات خسرانه ورقية

فوق ال 100 وان الاسعار لازم تصحح (الجماعه بدو يحدون السكين)...

2- يطيح صاروخ فوق عماره عضم ماليصت على الحدود وتبدا حفلتهم

3- ينزل السوق المؤشر 450 نقطه .الشركات المحترمه سابك والانماء

والاسمنتات تنزل 5 % وتصير سابك ب 95 الانماء 21 والمتقدمه 48 ..

الزواحف تنزل 8% الاركان تصير ب 8 وامينتايت تصير 12 ..

الخشاش ينسب تحت 10 % ووتصير تهامه ب 90 ..

4 - يتتابع السوق بالنزول حتى يصبح المؤشر 7000 ..الشركات المحترمه تفقد

30 % من قيمتها والزواحف تفقد 55 بالمية من قيمتها والخشاش يفقد

65 بالمية من قيمته ..الجميع يقول مساكين اللي داخلين الخشاش

والتسهيلات ماغير تكب وترش من هالمحافظ ..

5- تسمع المجتمع بالمنتديات والاعلام يواسون اصحاب الاسهم ..واللي بالسوق

خسرانين يطالبون الحكومة بسرعة وضرورة التدخل ..

6- تظهر اقلام بالمنتديات تكتب مواضيع عنوانيها اخرج اني لك من الناصحين

ويحددون القاع المتوقع للسوق هو 1200 نقطه

7 - يطلع مسؤول حكومي بان النمو المتوقع زاد ل 3.3 بعد ماكان العام الماضي

3.2 .. وتظهر اشاعات بانهم لقو بترول بطعوس الثمامه ويكفي ل 50 سنة

8- تبدا المواضيع الموسمية التطبيليه لااسهم القاع ويحددون لسهم لاامينتايت قمه

64 وللاركان بعدين اقولكم لاتورطونا رجاء ..

9 - يبدأ السوق يرتفع ايام ويتفاعل مع الاخبار الصحيحه والمضروبة .

حتى يصل المؤشر ل 8000 وترتفع سابك ل 80 والانماء يصير ب 19 ..

الخشاش مثل تهامه أستلم السوق نسب عليا ووصل ل 100 ..الزواحف تسترجع

فقط 10 بالمية وتصير الاركان ب 6 وايمنتايت ل 10

الخلاصة صار كل هالتصحيح على شركات الزواحف وكثير من

شركات السوق وهي اللي فقدت كثير من قيمتها ..بينما الخشاش عوض قيمته

واكبر دليل اليوم التامين 3 شركات نسب عليا