موقف لقريبي ورفع ضغطي
 

هذا الله يسلمكم.
لي قريب بنى فيلا وبعد ماخلصها وسكن شهرين، جاء جاره اللي خلف بيته، وقاله انت ماخذ مني 20سم ولازم ترجع جدارك لجهة بيتك، قاله يأبن الحلال انا جايب مساح يوم بنيت الفيلا وكل شي متاكد منه، رفض الرجال ، (قريبي مطوع وتسامحه الزائد يرفع الضغط)، راح جاره واشتكى في البلدية ومدري أي جهة حكومية ثانية،

تخيلوا لما جت الجهة الحكومية اكتشفت ان الجار المشتكي ماخذ متر وكسور من فيلا قريبي، ويوم بلغوه بهالكلام ، جاء يتبكبك ويطلب السماح وتكفى لاتهد جداري، واخرتها قريبي سامحه، وانا اقوله المفروض ماتسامحه وحقك لو طلبت تهد جداره لانه معتدي على ارضك. وبالاخير قال قريبي المسامح قريب ومهما كان هذا جاري والله يعوضنا خير.

لو انتم بموقفه وش بتسوون. السالفة والله حقيقية.