منتديات شمس الحب - ليش الاجنبي عايش عيشه ملوك والسعودي ملعون جدف في هالبلد

السلام عليكم ورحمه الله وبركاته

قبل كل شي المنافقين والمطبلين وشغالين دوريات في المنتديات
اتمنى ما تردون على الموضوع ادري لك نسبه في الرد حتى ولو تكذب لكن الحق ينقال وبقوله
والصنف الاخر اللي ماعنده الا يعطيك مفردات انت لبرالي ولاعلماني مادري ايش
اللي اسمعها ولا اعرف وش هي اساساً فقط لتكميم الافوة
وطبعاً لا ننسى مقوله انت شيعي فبشركم انا سني لكن مشكلتي موب مطبل مثلكم
غير كذا حياكم الله بالموضوع

شي يقهر اشوف قبل اسبوع واحد ساكن مع عائلته في احد الاحياء البعيدة في الدمام اللي الحي لازم البيارة اعزكم الله
لازم كل فترة تشفط لانه موب موصله المجاري
ساكن في عمارة ايجار وسيارته كاميري يمكن 2006
ومعه اطفاله ابو 5 سنين وحوله

وبنفس اليوم اشوف عائله فلبيني في احد الاحياء المتطورة بالدمام
ويطلع هو مرته واطفاله من العمارة اللي واجهتها حجر والرجال صغير يعني حول الثلاثينات من عمرة ولا يتعدى الـ 40
ونفس عمر الاطفال السعودي ومعه كابريس ltz موديل العام

مادري هل الدراسه في الفلبين افضل من دراستنا يعني شهاداتنا ابو كلب
اجل كذا طلعونا للفلبين وهذة وهي من افقر الدول بالعالم
ولا ان الاجنبي معزز ومكرم والسعودي ملعون جدف في هالبلد
اكيد ان الاجنبي العربي نفس التكريم هنا لكن وصل لابعد الحدود

وسبحان الله اليوم وانا نازل من المصعد من العمارة اللي اشتغل فيها
الا هندي يكلم بالانجليزي وتعرفون لهجه الانجليزي الهنديه
وعرفته انه راعي منصب لانه الهندي اذا كلم انجليزي فعرف انه راعي منصب
حتى امام ربعه الهنود يكلم انجليزي يعنني مقامه اكبر المهم ...
اطلع اشغل سيارتي الا والاخ يركب سيارة لاند كروزر جديدة ماشاء الله
المصيبه موب هنا المصيبه لوحته " د ل ع " وبدون ما اذكر الارقام
وقتها عرفت معنى الدلع