منتديات شمس الحب - كان الخَمَر أم الخَبث والكباير = فالفقـر أبوٍ للغبن والمذله.......

كان الخَمَر أم الخَـبـَث والكـباير = فالـفـقـر أبـوٍ للـغـبـن والـمـذلـــه

تِحـيّـر بعـيون الـفـقيـر العـبايـر = لولا الحيا دمعـه على الخـد هـلـه

يحـس مثل النار وسط الضماير = او كـنهـا مـدفــونـةٍ وسـط مـلـــه

يجـلـس وحـيـدٍ دايـم بالـعـوايـر = ماله رفـيـقٍ صادقٍ غــيـر ظــلــه

يعـيـش في داره غـريـبٍ وبايـر = اقـرب قـريبٍ له من الناس مـلــه

لو هو كريم ٍما يحسب الخساير = قالـوا مـبـذر والسرف عـادةٍ لــه

وكانه شجـاعٍ مايهـاب الـدوايـر = قالـوا سفـيهٍ ماخـذ الـطـيـش مله

وكانه حـلـيـمٍ لجهـل كـل ثايــــر = قالـوا جـبان وكـل شخـصٍ يذلــه

الـفـقـر كسار النفوس الحـرايـر = اعــوذ مـنه بخـالـق الـنـاس كـله

(نديم المجره)