منتديات شمس الحب - من روائع الشاعر سليمان بن حاذور " كـريـم يــا بــارقٍ ســرى "

كـريـم يــا بــارقٍ ســرى = ما احلى رزيم الرعد فيـه
يا زين عشبه الى اخضرا = والـبـل تـرعــى مفـالـيـه
نطيت انا الحيـد الاسمـرا = وهيضت انا عبرتـي فيـه
والـبـل يـــا زيـنــة الـــذرا = كــم مــن غـريـب تـوديـه
عـيـنـت ظـبــي تــحــدرا = يرعى الزهـر مـع مثانيـه
جيته مع السطح ما درى = والـى القمـر شـارع فيـه
الـــى لمـسـتـه تـهـصـرا = يـا خـوي مـا نيـب قـاويـه
عليـه ثويـب عـن الـعـرى = جعل اريش العيـن يبليـه
بطـنـه لبـيـب ومـزعـفـرا = يا زين طـي الحقـب فيـه
ابـــــو بــريـــم مـقــمــرا = مـن فـوق الاوراك زاويـه
يــا بـــو زمـيــم مـشــذرا = ومـزهـي وجــه راعـيــه
قـــم حـبـنـي لا تــعــذرا = والـعـذر مـانـيـب بـاغـيـه

كريم يا بارق سرى بصوت أحمد القرعاوي

فيديوهات هوامير البورصة السعودية