يسعد مساكم وصباحكم ياحبايبيني ..
يقولكم ياطوال العماركان فيه رجال شاب ومتزوج من بنت حرام يعني وحده مافيها خير وعنده اخت اصغر منه(عذراء)
كان هو واخته يتمان وابيه خلا له من البلاد والحلال الشء الكثير (ولد نعمه)يعني كان فطوره في ذيك الايام بر وسمن وعسل
اخته اليتيمه هذي الله سبحانه عطاها من الجمال ماعطاها من الدين والاخلاق وكانت مرته ماتحب البنتولاتدناها على وجه القاع
كانت كارفه الهالكه بالشغل ولما ضوى طافي الضو قالت اختك ماتعاوني ولاولا ولا ومافيها خير
وفي يوم من الايام ...شوفوا كيد الحريم ...
يوم ضوت الضعيفه من المحطاب ..فاتحه ثمها من الجوع والظما..
اقبلت عليها ذي المجهم (مرة اخيها)وقالت سهله وقربه يافلانه جويمه انتي وظمانه ...امتدي هنيالين اجيب لش زاد وما...
كانت المجهم مدبره للهالكه مكيده كبيره علشان يطردها اخيها(الخفا)من البيت ...وقالت في خاطرها لازم اجيب امها يوم قيلت ...
حطت لها خبزه وامهست فيها ثلاث بيضات ...بيضة هايش ..وبيضة حمامه..وبيضة غراب...
وعطتها اياها وقالت اكلي خذت شرش..( حسبنا الله ونعم الوكيل)
البنت من الجوع ماعاد ميزت الطعم وراحت وكلت...وراحت الايام وجت الايام
وبعد مده من الزمن ..كانت البنت تحس بشي في بطنها ...يوجعها وجع البلا..
كانت تروح تقعد في الفيهولاتاخذشوي الا وهي تتوجع من برودة بيض الغراب والحمامه...
ثم تشرد للشرفه ولاتاخذ شوي الاوهي تتوجع من ذحاح بيضة الهايش (لاحول ولاقوة الابالله)
المهم تخاملها الخفا اخيها وراح ونشدها وش قومش يابنت..قالت مافيني شي (استحت)
مسته مرته(المجهم)وقالت يالخبلياطافي الضو ماقلت لك ان اختك ماطبعها بحلا اختك حبلا وذا هو الوحام اللي لاعب فيها
اذبحها اذبحها بتفضحك...
المهم عزم الخلوفه انه يذبح اخته وصدق مرته ...
واصبح عليهم الصبح وجهز ذلول وحصان وركب الحصان وركب اخته على البذلول وقال بنروح انا وانتي نزور خوالي قدلنا منهم
وابغاش معي تقاومين بي في الطريق ...
قالت الهالكه ابشريبن امي وابي (شوفوا الر د)
من يوم قالت ذا الرد وقلبه داقه ويهوجس طول الطريق...
المهم سرحوا وكل ماوصلوا مكان في القفار قال لها تعرفين ذا المكان قالت ايه...
قال طيب ومشوا لين وصلوا لقفره مافيها مخلوق خلقه الله وقال عادش تعرفين ذا المكان قالت لا ( وش القفره الله يكفانا شرها)
قال هاذيا مكانش يالكلبه
قالت اعقب يبن امي وابي ...ليييييييييييه؟!
قال انتي ادرى ولقاها ظهره ولا وضح لها شي ...وركب حصانه وشل الذلول ولاخلا عندها حتى جغمة الما (الله اقوى)
قال ماني بذابحها بنفسي بخلي السباع تاكلها ..
جلست الهالكهولادرت ايش تسوي توكلت على الله وراحت تمشي ومن قفره لقفره لين فرجها الله في وجهها(يمهل ولايهما سبحانه)
ولقت ذا العد اللي ماحوله مخلوق خلقه الله وعنده من النخل والعلوب ماقال الله وكلها مثمره...
جرت وشربت وكلت من النخل والعلوب ...
وذيا مكانها شهر ورى شهر
الصبح تنزل تحت عند الما والليل تطلع وترقد فوق العلب وكبر بطنها شوي شوي لين انجبت جابت (هايش وغراب وحمامه)
ومن فضل الله كانوا عيالها ينقطون (سبحان الله جل جلاله)
كأنه سبحانه جعلهم لها فزاعه ارتاحت كانو يسرحون كل يوم ويجيبون الزاد لها
ويوم جا ضحى ذاك اليوم ....يتبع
المواضيع المتشابهه 
يــاخــال يــاهــنــــــــــــمــه يـامطـــــــــــــــاوع شــــــــــــــور المـــره 
العرض الشجري
