منتديات شمس الحب - معه ثانوي ويستلم فوق 30 الف ريال !! واصحاب الشهادات في بيوتهم

السلام عليكم ورحمه الله وبركاته

احد الزملاء قال ان يعرف واحد في ارامكو ويستلم فوق 30 الف ريال
وماشاء الله تبارك الله والله يرزقه لايجي احد يقول حسد ومادري ايش
هذا موب موضوعنا
لكن انصدمت عندما قال معه ثانوي انه من الجيل القديم ويشتغل في وظيفة مرموقه
وعمرة حول 50 سنه
موضوعي هو بعد تفكير لماذا لاتقدم الحكومة عمر التعاقد
بحيث يكون تقريباً من الـ 50 بحيث يفرض بعدها التقاعد لهم
صحيح تقول يكلف الدولة
طيب لكن شباب الوطن تضمهم وتشغلهم وتبعدهم عنه الفتن اللي زادت
من انضمامهم لجماعات ارهابيه وفوق كذا تساعد في خفض البطالة
صحيح اصحاب الجيل القديم اغلبهم في ارامكو وسابك والقطاع الحكومي
تحصلهم شهادتهم ثانوي واقل
حتى الوالد الله يطول بعمره كان شهادته ثانوي مادري متوسط
لكن تولى منصب مدير في احدى القطاعات الحكومية
وليش موضوعي محاربه اصحاب الجيل القديم من هذة الوظايف
لكن افتحوا الباب للشباب ان يدخل في مجال العمل وايقاف العمل لاصحاب
الجيل القديم واحالتهم للتقاعد وما قصروا والله يعطيهم الصحه والعافيه
صحيح بعضهم لهم افكار ما تحصلها عند اصحاب الشهادات
لكن اكثرهم نظامه عادي جداً ويقدر ياخذ مكانه موظف عادي حديث التخرج مثلاً
الحين الطالب يدرس 6 سنين ابتدائي و3 متوسط و3 ثانوي
وفوق كذا 2 ونص كلية ولا 4 جامعة واذا كمل دراسه زد عليها سنتين
اما ماجستير غير اختبار القدرات والتحصيلي ودراسة لغة يمكن في معهد
وبالاخير تعقيد في القبول للوظايف حتى الوظايف العاديه تجيك تتشرط
لازم انجليزي قراءة وكتابه وتحدث طيب وش اسوي في ابيات الشعر
اللي يطالبوننا نحفظها للمتنبي وغيرهم ولاركزوا علينا في الانجليزي مثلاً

فـ انا اقول تقديم عمر التعاقد وتوظيف الشباب افضل حل
تكلف الدولة لكن لا يكلف خسائر في ارواح الشباب
اللي مع الاسف بعضهم يمسك في مناصب ليست في تخصصه
بحجه ما لقيت الا هي ولا اقعد بالبيت والفئه الثانية ما زالت عكس ذالك
ترفض العمل في وظايف عاديه واللي اصبحت عاديه اكثر من اللازم
مثلاً تحصل واحد عندة دعم فني ويشتغل مصفف اغذية في بندة
ولا عندة محاسبة ويشتغل مراقب عمال
والاخر معه حاسب الي وشغلته معقب !!!
بكذا عزوف الشباب عن الزواج وقله رواتب القطاع الخاص
ويسبب ذالك زيادة في العنوسة لدى البنات
كل ذالك ليس من صالح شباب الوطن