موقف حصل لك كلما تتذكره تضحك
 

كلنا لابد ان تكون مرت بنا بعض المواقف المحرجه المضحكه

فهاتو مالديكم من ذكريات المواقف ونضحك مع بعض من خلال وصف المواقف


طبعا سابدأ بنفسي

كان عندي دباب هوندا ايام الثانويه شجعني زميلي رحمه الله على شراءه اسوة به

وذهبنا في نزهه بالدبابات على ابحر

ومن شين الحظ كانو يسفلتون شارع نسير فيه ومليان زفت وخويي قدامي بمسافه

الا واشوف خويي يحوص بدبابه يمين شمال يمين شمال ثم يقع والدباب يتجه شرقا وزميلي غربا في زحلقه رهيبه كانها بالبطيء وانا فكيت ضحك وما ادري ليخ خويي حاص وكنت اضنها غشامه منه وما انتبهت لرشة الزفت
المهم شوي والا انا احوص اسوة بخويي بس عاد انا سرت عكسه رحت شرق والباب غرب
وسلمنا ولله الحمد من الكسور والجروح لكن كل من مر وشافنا تقطع ضحك من اشكالنا وما سوا الزفت في اشكالنا
حتى حنا كنا نطالع بعضنا ونضحك على بعضنا
المهم اقرب بقاله ونشري تايد وعلى البحر نغسل نفوسنا لكن من يغسل الزفت فمع الغسيل ازددنا سوادا