|
موقف صار لي مع بنك البلاد...هل يحق لي الشكوى السلام عليكم أخواني الكرام صار لي موقف مع بنك البلاد و اتمنى توضحون لي ان كان لي حق في الشكوى و ماهو افضل تصرف اخذه او على الاقل وش هي الجهة الصحيحه الي ممكن أتجه لها و تبين لي ان كان لي حق أو لا أنا طلعت من عندهم بطاقة مداد وهي للي ما يعرفها فيزا مسبقة الدفع طلعتها يوم الخميس الماضي و فعلتها و قبل اطلع استفسرت منهم و أكدوا لي أنها مفعله و أنا اقدر استخدمها ماعندي مشكلة حجزت لدبي و طلعت يوم السبت و يوم وصلت هناك للمطار مريت مكتب شركة الاتصالات و اشتريت لي شريحه حاسبت بالفيزا فقال الرقم السري خطا قلت طيب باحاول ثاني مره...حاولت و طلع الرقم السري خطا هنا وقفت و سحبت ببطاقة الصرافه لاني خايف انها تصير طبعا انا محول للفيزا 10000 ومافي الحساب الا مبلغ بسيط بعد هالموقف مع مكتب شركة الاتصالات اتصلت عليهم من رقمي الاماراتي و قلت لهم المشكلة...شيك معي و قال فيزاتك تمام و لا فيها مشاكل..فقلت طيب وش القصه..فقال يمكن مشكلة تقنيه و بارفع لك تذكرة على شان يشوفون مشكلتك قلت له رجع لي المبلغ الي في الفيزا الى حسابي على شان اعرف اتصرف بالمبلغ من صرافتي...لكنه طلب مني انفذ هالحركه من خلال النت و لان رقمي الي مسجل عندهم موبايلي مافيه تجوال ما قدرت اسوي هالحركه...و اكد لي الفيزا سليمه ومافيها مشكلة...فقلت بالحرف اقدر احاول ثالث مرة...قال حاول لانه في السيستم ما تسجل عندي اي محاولة خاطئة و اذا صرت تقدر ترجع تكلمنا طلعت للفندق و حاولت محاولة بالفيزا ثالث مرة لان حسب كلامه ما كان فيه اي محاولة خاطئة مسجلة من قبل...وقع المحذور و صارت ...حاسبت الفندق من الصرافه و جلست على الحديده...المبلغ الي فيزا 10000 ماني قادر اسوي فيه شيء..و المبلغ الي في الصرافه طار بين فندق و شريحه انحرجت و توهقت و قعدت اضرب اخماس بأسداس...فجتني حوالة من بكرة مشيت فيها اموري الى رجعتي الحين هل لي حق على شان اشتكي؟؟؟ الشكوى عند البنك نفسه او عند جهة ثانيه؟؟ وش هي الجهة او الشخص الي ممكن يفيدني بالتفصيل لي حق او لا؟؟ و سلامتكم |
| الساعة الآن 09:49 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir