لماذا سميت الاكله الشعبيه مرقوق
 

قصة تسمية " مرقوق" :

كان عند أحد السلاطين خادم اسود اسمه قوق وكان مطيع وهب ريح ولا يسمع به السلطان ودايم يعتمد عليه ويسأل عنه .

قوق ضاق صدره .....وطفش...... ومل من هالعيشه
وقال : احسن لي اهج وادور لي على شغله اسهل واخف.

قام قوق وضف هديماته وربطهن بصره صغيره وأول ما أذن الفجر عض شليله وحط رجله وهج.

من بكرى قام السلطان ويصوت على قوق إلا الرجال ماله حس ولا خبر ..........،
انجن السلطان !!!!!
وقال : انغتو قوق من تحت الأرض وجيبوه لي .

مر يوم ويومين وجمعه وشهر وشهرين وقوق مابين !!!

ضاق صدر السلطان بالحيل .................................. وصار ماياكل وذبل جسمه ونحف وصار زي العود . حاولوا طباخين القصر يسوون له اكلات شعبيه عساه يأكل المقرود ولكن مامن فود .

كل يوم بعد العصير يطلعونه قدام القصر ويجيبون له اكل غريب عساه يأكل ولكن يرجع الأكل زي ماهو .

ومرة من المرات والسلطان جالس قدام القصر والاكل قدامه ويمر قوق من حوله قال :
انا كني اشوف قوق مر من قدامي .................ولله اني أشوفه مر من قدامي... ويصيح ( بتشديد الياء)
مر......قوق..... مر.....قوق..... مر.....قوق .......

ومسكو قوق وراضوه وسامحه السلطان وتيمنا بجيته سمو الاكله الغريبه مرقوق ...........

اه يابطني يبي مرقوق ..........
اسعفوني بمرقوق يالربع ، ولله اني مشتهي مريقيقات
بلحيمات طازجة.