منتديات شمس الحب - للدار واهل الدار واللي تنصـــــاه=جنــة نعيــم وكنــز علــم ٍ يسـلي

ياثقل بعض الناس شوفه وطرياه
علّــة نحــر للخـاطـــر المسفهلّي

وجه ٍ غضيب وشاينـات ٍ حلايــاه
من كثـر ما يشيـل بالصـدر غِلّي

يــالله لا تبـلنــــا بمثـــلـه وبلــواه
وترزقنـا خاطـر لو تضايق يهلّي

مجمع عنــاوين السماحه محيــاه
وضحكت حجاج ٍ للمصايب تحلّي

للدار واهل الدار واللي تنصـــــاه
جنــة نعيــم وكنــز علــم ٍ يسـلي

هذا الذي لو رويت النفس تظماه
من شوفتـه من مجلسـه ما تملي

عز الله ان اللي كريمـه سجايـــاه
مهـاب حتـى مـن عــدو ٍ مغـــلي

يذكر بخير وكل ٍ قال لا عدمنـاه
مثلــه فقيــده للبشـــر والمحــلي

والا الردي كل ٍ تباشـــر بفرقـــاه
واقـرب قريـب دمعتـــه مـا تهلي