منتديات شمس الحب - ويش رايك بالطباخ والطباخه السعوديه ؟؟؟؟!!!!!!؟؟!!!!!!؟؟!؟!؟؟

السلام عليكم ورحمة الله

وش رايكم بالطباخ والطباخه السعوديه
اذا مارسوا هوايتهم كمهنه ودخل مادي

طبعا كلكم بتباركون وتقولون مع ولد وبنت البلد
ودعم نفسي كبير ويكفي النفس والنظافه
والاجنبي مهما كان وصخ واغلبهم مايتقي الله في عمله

بس اذا اشتغل بنت البلد وولد البلد في مطعم
المالك طباخ سعودي او طباخه
والموظفين سعوديين اكيد بترتفع الاسعار

الصحن الي تاخذه من مطعم هنود ب20
بيكون من يد سعوديه ب 60

هل بتدعمه ماديا وتدفع هذا السعر
وبدال مايكون طلبك ب250 يصبح ب500

يارجال طبخ الذبيحه عند الاجنبي
الذبيحه عليك والرز من عنده ب200-250
عند السعوديه ب400 والرز والذبيحه عليك
والله صار معي وتركتها ..

الحلا في المقاهي اذا قالك شغل بيوت منتجه سعوديه
انحشت. طعم زين لكن قطعه كبر الجوال ب 25

اسعار حلا وفطاير ومنتجات
البيوت المنتجه السعوديه ليش غاليه ؟؟؟؟

ادعمك على عيني وراسي والله يوفقك لكن
ارحمنا بالاسعار انت ابن البلد وحنا عيال البلد
خيرنا بينا لكن بوزن واعتدال

عندي قريب مبدع مثل اخونا المزيني
يفكر يفتح مطعم ويحط معاه طباخين سعوديين
واستقبال وضيافه وقهوه
وبياخذ قرض مع راس مال عنده ومستعد يتعب ويبدع
بس متخوف هل بنجح اذا رفع اسعاره
واذا اسعاره طبيعيه كيف بيدفع راتب صح للسعوديين ؟؟

انا قلت له والله الناس تدفع شوف المقاهي الاجنبيه
اهم شيء ديكورات ومناظر حلوه وجو رايق
تتقهوى انت وخويك عالاقل ب150

وشوف محلات البرجر الجديده السعوديه
الوجبه ماتقل عن 50 وعليها زحمه
مادام الناس تدفع بيع بالسعر الي تبي
والاجنبي مب احسن منك

عطونا رايكم ؟؟؟