رواية يجرحني كلام الناس لا قالو عني يتيم
 

(يجرحني كلام الناس لاقالو عني يتيم)

بعد مرور اسبوع على ابطال روايتنا

هند:محمد لاتنسى وانت راجع تجيب معك حليب لـ مشعل
محمد وهو يضبط شماغه عند المرايه :انشاء الله من عيوني ياام مشعل
هند:الله يخليك لنا ولا يحرمنا منك
محمد:ويخليكم لي ..ايه صح قبل لا انسى اليوم بنروح بيت ابوي لان الكل مجتمع هناك ومنها بعد يشوفون مشعل
هند:....
محمد:هنوده وش فيك
هند:خايفه على مشعل من كلامهم انت نسيت امك وش سوت لما شافته او لماجبناه
محمد:ماعليك بكلامهم ومشعل بعيونا ومارح يضره شئ بأذن الله
هند: اوك خلاص روح لدوامك ترى تأخرت
محمد:طرده محترمه ههههههههه
هند:هههههههههههه لا والله بس ماابيك تتأخر
محمد: ياخلفهم
هند: يالله خلاص تاخرت
محمد:اوك يالله فمان الله وانتبهي على نفسك وعلى مشعل
هند:مشعل بعيوني الله وياك


(يجرحني كلام الناس لاقالو عني يتيم)

بالشرقيه تحديدآ بالدمام

كانت جالسه بزاويه الغرفه وبالظلام وشعرها منكوش وخشمها ينزف واسنانها مكسره وجسها كله كدمات وكسور ودموعها اختلطت مع الدم وكانت تبكي بشكل يقطع القلب وتطالع في ابوها الا قدامها
ابو نايف:تكلمي من الكلب الا انتي كنتي معه
نوره:.....
ابو نايف:نوره تكلمي لا اقطع هالعقال على راسك
نوره:ماكنت مع احد
ابو نايف:بالله احلفي اقولك غايبه عن البيت 9 شهور ولما جيتي جيتيني ببلاويك حسبالك مااعرف عن بلاويك بسرعه من الكلب الا كان معك
نوره: توفى قبل امس بسكته اهئ اهئ اهئ
ابو نايف:نوره لاتكذبين على انا ماني بزر عندك
نوره:ولله اهئ اهئ انه توفى
ابو نايف :والله لو تكونين تكذبين يانوره والله لأذبحك قدام الله وخلقه
اعطاها نظره وطلع ونوره اول ماطلع ابوها ظمت ركبتها وبكت من شدة الالم والخوف من مصيرها المجهول
ابو نايف:يامره يامره
ام نايف:سم
ابو نايف:شوفي الخايسه هذي لو تطلع من الغرفه لاكون ذابحها فاهمه
ام نايف:انشاء الله
ابو نايف:وهذا مفتاح غرفتها اذا جت بتطلع للحمام او تبين تعطينها اكل افتحي لها وغير كذا لا فاهمه مع انها ماتستحق الاكل بس مارح اوسخ ايدي فيها
ام نايف:ابشر


(يجرحني كلام الناس لاقالو عني يتيم)

خلود:دريت عن اخوك مسود الوجه
عبدالله:ايه دريت
خلود:قليل الخاتمه رايح يجيب له واحد لقيط
عبدالله:بس محمد انه يتيم مو لقيط
خلود:كلها نفس الشئ
عبدالله:ايه صح نفس الشئ
(عبدالله من النوع الا شخصيته ضعيفه بعكس اخوانه وهذا الشئ هو ال مخلي زوجته تتحكم فيه )
خلود:اسمع اليوم تجيب لي طقم الماس ابي اكشخ فيه لارحت لأهلك اليوم
عبدالله:انشاء الله بس مامعي فلوس
خلود:تسلف دبر نفسك بس اليوم يكون الطقم عندي فاهم
عبدالله:فاهم

(يجرحني كلام الناس لاقالو عني يتيم)

بعد العشاء كان الكل مجتمع ببيت الجد ابو عبدالعزيز ماعدا محمد وهند ومشعل
ام عبدالعزيز:اللهم طولك ياروح الحين انت تداري خاطر اللقيط هذا وعيال عيالك وبناتك بس تهاوشهم ومافيه كلمه ماقلتها لهم
ابوعبدالعزيز:انا لاحكيت انتي تسكتين فاهمه
ام عبدالعزيز لفت وجهها مو عاجبها الكلام بس ماحبت تعلق

عند بوابة البيت كان محمد شايل مشعل الا كان يطالع في وجه محمد
هند تمسكت بيد محمد :محمد خايفه
محمد: لاتخافين وانا معك
هند:انا اخايفه على مشعل
محمد: وش قلنا قبل
هند:طيب خلاص يلله ادخل
محمد:يلله


وش بيصير على اهل محمد لما يشوفون مشعل ؟؟

ونوره الا ابوها ضربها وش سالفتها ومن يكون ابو ولدها الا سافرت عشان ترميه بالرياض؟

وهل من الممكن يكون مشعل ولد نوره؟؟



كل هذا بنعرفه بتكلمت البارات وبحاول قد مااقدر اني انزله قريب انشاء الله بس انتم ادعموني بردودكم الذوق

ننتظر منك اكمالها

انتظروا الاجزاء الاخرى تباعا