منتديات شمس الحب

منتديات شمس الحب (http://www.x2z2.com/vb/)
-   قصص - روايات - حكايات (http://www.x2z2.com/vb/f16.html)
-   -   طالبتك يا دنيا قولي تم رديني التراب وأكتبي على قبري هذي الناس ماترحم (http://www.x2z2.com/vb/t24221.html)

mody30 02-14-2012 12:01 PM

طالبتك يا دنيا قولي تم رديني التراب وأكتبي على قبري هذي الناس ماترحم
 
ملآحظة:
أسمآء الشخصيآت وهمية وأي تشابه لها بآلواقع فهو محض صدفة لآكثر


دموع عيني يملأها الألم تساقطتـــ..
تذكرت أحداثاً فيما مضى انقضتـــ..
وسكبت دمي أكتب اليوم وصيتي..
فهنا انتهت حياتي ووفاتي للملآ أعلنتــ..


طآلع عيونهآ وبكل حب مغلف بآلآلم :تكفين حبي قومي ياحياتي
والله مقدر أعيش لحظة بعدك.. آنتي حيآتي آللي عرفتهآ وعشآنك
آبي عشت عمري وفيك آبي آكمل عمري آلجآي
بنفس آلنظرة وآكثر هيآم : أحبـــــــــكـ وعمري قلبي مادق
لـ غيركـــ آنت وحدك..
مسك يدهابكل عشق وخوف من آنه يفآرقه وبالثانية بآقسى قوته ضغط مكان
النزيف يبيه يوقف ومآتفآرق عيونه: وأنا بعد حبيبتي بس تكفين تماسكي حياتي
تكفين عشاني مابقى شيء ونوصل للمستشفى هذآ آحنآ قربنآ
ونبضهآ بدآ يخف وحآسة بقرب منيتهآ: مو مهم كفاية بموت وأنا بين ايديك
وبتكون آخر شخص أكحل فيه عيوني قبل ممآتي
بجزع من كلآمهآ وخوف لآتفآرق نآظريه : لاياقلبي بتعشين أنا متأكد
وبعوضك كل الأيام اللي طافت اصبري ياعمري اصبري وآوعدك بنعيش
آجمل حيآة
بيقين من آلفرآق وذكريآت جميلة مرت قدآمهآ: وتظن بعد بآقي بآلحيآة
بقية ..تكفيني الأيام اللي عشتها وياك كانت أسعد وأجمل أيام حياتي ومآبي
من هآلدنيآ شيء بعدهآ
دموعه تنهمر بحرقة من كلآمهآ مآيبي يفآرقهآ هي حيآته ونظر عيونه : حبي
تكفين لاتعذبيني بكلامك ... فداك عمري كله بس قومي آنتي حيآتي
ومآبي شيء من آلدنيآ غيرك
حست آنفآسهآ تنقطع وآلنبض كل مآله ينخفض آكثر:
سامــ ــحــــ نــــ ــي ....
أ ح ب كــ
ورفعت سبابتها "أشهد أن لااله الا الله وأشهد أن محمدا رسول الله"
وأغمض الجفـــن.....

ومضة :
يالله اجعل وفاتي‌‌ في صلاة بين سجدة و تسبيح و ركوع..~




أختزن الدمع وسط جفني كل ليل ...وأحتضن وجهي
بين يداي .. وأبكي لساعات...وأتساءل بأي ذنب قتلت
فرحتي ... وأستشعر أملا في غد لكنه سرعان مايتلاشى...
حياتي قد تشابه مانراه في الكوابيس ..قد تتخللها الأحلام
اللامرئية وكأنها قطعة منسوجة من أرض الرعب والخيال ..
يأتيني ليلاَ إحساس مغلف بالخوف والألم فأصرخ مستغيثة بك
فلا أجدك حولي ...
ماذا حصل ... مالذي يجري من حولي كثير ماتداهمني الأسئلة
ولكن لاأجد لها بقاموس حياتي أدنى معنى...؟
يتملكني القهر والظلم أيام ... والألم بالعيش ساعات طوال...
وسرعان ماتدمع عيني بأي ذنب اقترفت...؟
لاأعلم ماذا جنيت بحياتي أو هل تراني ظلمت بيوم أحدا وهل
وهبت للحزن حياتي أو من ذلك الذي سرق أيام عمري ...؟
هي قصة من أيام قلائل...تحكي تفاصيلا من حياتي ... معانة
..ألم ... فرح ..بسمة... حزن... وقهر
وحكاية سجلتها حروفي(( طالبتك يادنيا قولي "تم"
رديني التراب واكتبي ع قبري "هذي الدنيا ما ترحم "))

What's your name?
مو أول وحدة تنسأل هالسؤال كثير سمعناه أكيد بحصة إلانقلش
بس للأسف ماتوقع بلاقي الرابط القدري بيني وبين اسمي وكآنه
مآقدر لي من آسمي ولو شوية نصيب

آَخ آَخ آَخ
ي شَشَشَي آوجِعَنِي آَلِيُوَم . و/ تَجآهَلتَهَه

How old are you?
عمري ياترى شنو عمري .. عمر المعاناة وإلا القهر والألم ...
يمكن القصد عمر دموعي اللي أذرفها كل ليلة ع قسوة زماني

آَخ آَخ آَخ
ي شَشَشَي آوجِعَنِي آَلِيُوَم . و/ تَجآهَلتَهَه

How are you?
ليه لازم أقول لكل من يسألني إني بخير ليه لازم البس قناع
البسمة وداخلي كل يوم ينزف

آَخ آَخ آَخ
ي شَشَشَي آوجِعَنِي آَلِيُوَم . و/ تَجآهَلتَهَه

Can you told about you?
باختصار عفت الدنيا ... والدنيا عافت وجودي

آَخ آَخ آَخ
ي شَشَشَي آوجِعَنِي آَلِيُوَم . و/ تَجآهَلتَهَه

اسمي اندلين اسم غريب مو ... ع اسم جدتي الله يرحمها ..
دايم يقولون " لكل شخص من اسمه نصيب" لكن مالقيت بحياتي
نصيبي من الفرح والسرور

توني بعمر الزهور عمري 17 سنة لكن للأسف راح زهر عمري
وانحرق قدام عيوني

عائلتي الكريمة

إلينا 16 سنة أختي من أمي تختلف عني بأشياء وايد فأن كان مرج
البحرين لايلتقيان بينهما برزخ لايبغيان مثلي أنا والينا تختلف عني
بأدق التفاصيل

بيجاد 7 سنوات أتوقع مرة سمعت عنه أو يمكن قريت اسمه بورقة
أو اعتقد إلينا قالت لي مرة عنه كل اللي أعرفه انه أخوي اللي أصغر
مني ب10 سنوات وشقيق الينا

أمي مدري شنو اللي تبادر لذهنكم بهاللحظة يمكن الحنان ... الحب
... العطف ... الأمان
وأنا ماأقول غير الله يغفر لها ويهديها للصواب حتى تدخل الجنة
سلاما آمنين

قال تعالى: (( ادعوهم إلى آبائهم هو اقسط عند الله)) سورة الأحزاب
هنا أجلس ساعات وساعات أبكي وأبكي ...إن كان أبوي تبرأ
من وجودي في هالدنيا وأنكرني من حياته لمنو بقول " بابا"

آَخ آَخ آَخ
ي شَشَشَي آوجِعَنِي آَلِيُوَم . و/ تَجآهَلتَهَه


هذي عائلتي والى من انتمي ....
حكايتي لم تبدأ بعد فهل ستنتظرونني أم تودون الرحيل هل ستسيرون
معي بين أحضان القدر المجهول أم لاتمتلكون أدنى الشجاعة لخوض
حكاية قد تكون فعلا رائعة

mody30 02-14-2012 12:03 PM

لسعة شقاوة ودموع عين

آيقآع آلحزن آلآول


ذآت مرة تسآءلت بيني وَ بين ذآتي
هل تلبسني آلوجــ ع بردآئه آلآســود..
آم تعطرت ذآت مرة بعطر آلم تعلق بروحي دون زوآل...
آشعر وكآني طرزت من خيوط آلحزن لي معطفآ يلحفني ...
وعزفت كمآ كل ليلة سمفونية آلعزآء آلتي آجيدهآ
آآآآآآهـ يَ ليلي
شعور غريب وَ هوآجس مريبة تحيط بي
فآركض بآحثة عن ملآذ ينجيني من حزن عشقني حد آلجنون
وآجمع بين يدي آشلآء روح بعثرهآ آلشقآء
وفجآة !
يعم آلسكون وآلعتمة تلتف من حولي
لآآنطق بين تمتمآتي
طآلبتك يَ دنيآ قولي " تم"
رديني آلترآب وآكتبي عَ قبري
.................." هذي آلدنيآ مآترحــــم"


..... ألم يعتصر قلبي فتغيب الشمس بيوم حلمي ..
فهل ستداوي الأيام جرح قلـــبي وألامـــي ,,,,


لحظة..!
هل استعديتم حقا للإبحار خلال رحلتي أم سيأخذكم التكاسل
حقا بعد قليل..؟
سيكسونني الحزن إن لم تقرءوا سطوري... وسأغادر بعيدا تاركة
مافي جعبتي من هم يكتم أنفاسي ..؟


بين أحضان عاصمتنا الحبيبة " الريــــــــاض"
اليوم يوم الثلاثاء 20 /1في مثل هاليوم جيت ع هالدنيا ماعرف إن كان
يومها اللي حولي فرحانين بجيتي أو لا لكن اللي أعرفه إني مو فرحانة بهاليوم
تدرون ليه لاني اقتربت سنة كاملة من القبر ماعرف هل أديت صلاتي ع
أكملها ... ذكرت ربي كثييير ...زدت من نوافلي كم مرة ختمت فيها
القرآن ...مرة سألوني اليوم يوم ميلادك اقولهم لايوم ولاعيد لان المبتغى
واحد ومن أحدث في أمرنا هذا فهو رد وكل اللي أتمناه أن هالسنة إن
شاء الله تكون غير بحياتي والله يقسم لي الخير فيها ويبعد عني شرها وشر
من فيها ...
رنت ساعتي4.30 am آلآ خمس دقآئق
طآلعت في آلسآعة لكن مآشدني آلوقت قد مآشدني آنهآ ذكرى جدي
الله يرحمه ويرحم أيامه وآآه من ذكرى تعصف بآلقلب وتبيده
مر ع وفاته تقريبا 6 سنين لكنه للحين بقلبي ساكن وكآنه مآغآدر نآظري
...أحس بطيفه حولي يظلني وكلماته ووصاياه يرن صدآهآ بأذني مآيغيب
وش كثر ولهت عليك يَ آلغآلي " ي رب آنك ترحمه وتسكنه فسيح
جنآتك وترزقنآ حسن آلخآتمة"

قمت توضيت وصليت الفجر ورفعت يدي : يَ رب
هآهي آيآم آلعمر تركض بي دون رفق بحآلي
.....فآنزل علي سكينة وطمآنينة من لدنك تسقي ذبول قلبي
آللهم آحيني مآعلمت آلحيآة لي خيرآ وتوفني مآعلمت آلوفآة لي خيرآ

قمت من ع سجآدتي وفتحت آلمصحف آقرآ صفحتين عسى ربي ينور دربي
لبست مريولي وطآلعت بآلمرآية آرتب شعري وكآن آلحزن حفر آخآيده
بوجهي .. وكحل آلحزن عيوني وتزينت شفتي بروج آلآلم ذرفت دمعة من عيني
ع حآلي وبسرعة تلآفيتهآ لآتجرح قلبي نزلت غرتي على عيوني عآدة صرت
آحب آمآرسهآ بآتقآن حتى آخفي عيوني آلبآكية
وتنهدت من بين آنفآسي آلآآهـ ومحد سمعني..
لين متى ببقى جرح يكسرني ... وآلم يرآفقني....

رحت مطبخنا واللي مصمم بالشكل الامريكي بحيث يكون مفتوح
ع الصالة ودرجآت آلبرتقآلي وَ آلبني غآلبة عَ تصميمــه فتحت ثلاجتنا
يمكن ألاقي شيء يسد جوعي ويخرس صوت بطني قبل ماروح المدرسة
لأني من أمس مآعرفت طعم آلآكل وش لونه بس للأسف نسيت أنا بآخر
الشهر وفلوسي خلصت بس الحمد لله عَ كل حآل ماراح أقولكم ثلاجتنا
فاضية بنوب لقيت كيك وشوكلت وعصيرات أشكال وألوان حق أختي إلينا
أكيد جابتها ع حسآب سعود أو تركي أو خالد من كثرهم ماعرفت أتوقع منو
ربي يهديهآ وحصلت 7 علب بيرة و3 شمبانيا مطلوبة خصيصا من فرنسا حقة أمي
عشان تحلى لها سهرتها
انسدت نفسي وحسيت بروحي وصلت سقف حلقي من هآلحآآآل
رغبة شديدة بآلبكآء آعترتني ...مسكت نفسي بكل مآعندي من قوة
وسكرت الثلاجة يمكن آنسى آلمنظر آللي شفته ولكن لمآ ينحفر آلآسى بآلذآكرة
مآظنتي بيومن يزول

..... ألم يعتصر قلبي فتغيب الشمس بيوم حلمي .....
فهل ستداوي الأيام جرح قلــبي وألامــي ,,,,


رحت غرفة إلينا المجاورة لغرفتي عشان اصحيها للمدرسة وعسى بيوم تسمعني
اندلين قربت من فرآشهآ ورفعت آلغطآ عن عيونهآ: إلينا بسرعة قومي
راح تتأخري عن المدرسة
إلينا بكره لآآحد يصحيهآ: وإذا..وطآلعت بآندلين : بعدين منو قالك بروح للهم ...
اندلين وأنا مستغربة من حآلهآ : اجل ليه جهزتي أغراضك أمس
إليناببرود : لأني بكل بساطة اليوم بطلع مع سعود
اندلين شهقت بصوت عآلي: استغفر الله أنتي أبد ماتخافي
إلينا وهي تضحك بكل غرور : ههههههههههههه سعود يخوف
يمه ضحكتيني سعود يموت ع تراب رجولي شنو رأيك أعرفك ع خويه
اندلين ورعشة خوف دبت بكيآني : شنو ... إلينا أنتي ماتدري
انه حرام اللي جالسة تسويه
إلينا بطفش: أقول يام الغثة أعطيتك وجه بزيادة طسي عن وجهي احسنلك
اندلين بخوف عليهآ : الله يهديك ي آلينآ وربي حرآآم مآتدري وش ممكن يصير
آلينآ دفتهآ لبرآ آلغرفة : قلتلك طسي بس آلظآهر مآتفهمين
آندلين بخوف ع حآل آختهآ : ربي يهديك
..... ألم يعتصر قلبي فتغيب الشمس بيوم حلمي .....
فهل ستداوي الأيام جرح قلـــبي وألامــي ,,,,
جلست أطالع الباب اللي يقابل غرفة إلينا لكن بسرعة تجاهلت
الفكرة لان بعد 17 سنة مستحيل يكون فيه فايدة بس مهما يكون
تبقى أمي وبرها واجب علي دقيت الباب 3 مرات بدون رد
لبست عبايتي ع راسي بسرعة لان الباص جاء الساعة الحين
6.05 am وتمنيت بدآخلي آمنية مآتت قبل لآتمنآهآ كنت آتمنى
آكون مثل آلبقية آروح آلمدرسة 6.30 بدآل لآيذبحني آلبرد بطلعتي
مبكر لكن مآبآليد حيلة آلله يصبرني سكرت باب شقتنا وقلت "بسم اللَّهِ،
توكَّلْتُ عَلَى اللَّهِ ، ولا حوْلَ ولا قُوةَ إلاَّ بِاللَّهِ, اللَّهُمَّ إِنِّي أعوذُ بِكَ أنْ أَضِلَّ
أو أُضَلَّ ، أَوْ أَزِلَّ أوْ أُزلَّ ، أوْ أظلِمَ أوْ أُظلَم ، أوْ أَجْهَلَ أو يُجهَلَ عَلَيَّ "

نزلت درج عمارتنا بما أن شقتنا بالدور الثاني وأول ماوصلت الباب
حسيت بالريح الباردة اللي تواجهني لكن جسمي تعود خلاص حتى جاكت
يدفيني ماعندي وتذكرت أني مالقيت من يحميني من أيامي القاسية فأهلا
بالريح القارصة ركبت الباص بسم الله وفتحت كتابي أراجع قوانين الفيزياء
تدرون أنا الحين بثالث ثانوي ولازمني معدل زين عشان أدخل الجامعة
سمعت البنات من حولي يتكلمون
مرام: بنات لحقوااا هذا بيت المزيون اللي شفناه ذيك المرة
غادة: تدرون لما أشوفه أحس قلبي بيوقف من جماله عليه عيون تذبح
خلود: آآآآآآآآآآآه ,, ياحظها اللي بتكون من نصيبه
حاولت أسكر آذاني وأركز بكتابي اللي مثلي انكتب عليها ماتحلم
وإذا حلمت لازم تدفن حلمها لأنه مستحيل يكون إلا مجرد سراب
حتى آلحلم آحرموني منه .. آآهـ ي قلبي وش بستحمل

وصلت المدرسة وأول ماوصلت شفت حبيبتي وصديقتي حنان
حنان: اهلييين دودي قلبو توها نورت المدرسة
اندلين : منورة بوجودك حياتووو متى جيتي
حنان: قبل شوي وبآستفسآر مصدره آلآطمئنآن :ها حبيبتي عسى
ذاكرتي زين؟
اندلين : الحمد لله بس من جد خايفة يكون صعب تدرين ابلة
سارة كل اختباراتها صعبة
حنان: دودي إذا أنتي اللي دايم علينا الأولى تقولي كذا إحنا وش نقول؟
آندلين : تقولي الله يوفق دودي هههههههههههه
حنان: هههههههه ماعليه يالدوبة اللي يوفقني
اندلين: يالخاينة أنا صاحبتك المفروض تدعي لي
حنان : تستاهلين يالأنانية
اندلين: أنا... لاما صدق نونتي
حنان: هههههههههه وحدة بوحدة
اندلين: هههههههههههه
جات أسماء: اهلييين صبايا كيفكم
حنان: الحمد لله كيفك سوما؟
اندلين : تمامو سوما أنتي كيفك؟
أسماء: تمام... وناظرت بحنان: حنان يلا مشينا
حنان:أوووك اندلين يلا تعالي
بعدها بلحظات دق الجرس وصفينا الطابور
ميار بطفش : يارب اليوم مايفتشوا
اندلين وكآنهآ عرفت آلسبب: ليه اكييد كعادتك مخالفة مو ..؟
ميار: بنوب حبي الحين يعتبرون الكحل والغـ لوس مخالفات..!
بس وش نقول غير الله يهدي هالمدرسة المتخلفة..!
اندلين: ههههههههه اسكتي الحين تسمعنا ابلة أفراح وتهزئنا قدام العالم
ميار: ماعلينا.. أقول دودي شفتي اشلون أسماء تغار منك
اندلين: الله يهديها
ميار: مو أنتي ماشاءالله عليك قمر كافي أخلاقك وطيبة قلبك طبعا
مانسى عيونك الرمادية تسلفيني إياها
اندلين : ههههههه طيب قولي ماشاءالله
ميار: ماشاءالله عليك يالدوووبة حصنتك من عيون الحساد والعذال
اندلين حمر وجهها
ميار: ههههه فديت الخجلان آنآ ياناس معها حق أسماء تغار منك
مو كافي الكل يحبك لابعد أخذتي حنان منها
اندلين : أنا وحنان وهي صديقات بس هي مدري وش فيها علي
ميار: هههههه تعرفي تذكرت لما كنا بأول ثانوي اشلون سوتلك
مشكلة عشان ابلة منيرة ماكان يعجبها غير صوتك بالقرآن
اندلين : هههههههههه ميموووو خلآص سكتي مو قآدرة بفطس ضحك
ميآر : تيب تيب هههههههههههههه

..... ألم يعتصر قلبي فتغيب الشمس بيوم حلمي .....
فهل ستداوي الأيام جرح قلــبي وألامــي ,,,,


دخلنا الفصل والمعروف بالمدرسة كلها فصل الهبـــــال
ندى كآلعآدة: يارب ابلة ليلى اليوم تجي
مياربآستهبآل : يارب تغيب
ندى بخوف : ميمو بليييز لاتقولين كذا واللي يعافيك يارب تجي بجد
مشتاقة لها يعني لما تكون علينا تغيب وإذا كانت عند غيرنا تجي
اندلين : فديت الغيران أنا طيب أنتي ماشفتيها
ندى بقلق: لاااااا من أول ماجيت وأنا استنى عند الباب ولاجت
وإحنا بالطابور جالسة أطالع غرفة المدرسات بعد ماشفتها جت
ريم طاحت ع كتف منال: امووووت ياعالم ع الحب
ميار ومآتوقف عن آستهبآلهآ: يارب تروح عليها نومة وإذا ماراحت تكون
تعبانة وماتقدر تتحرك وإذا جات تسوي حادث بالطريق وإذا وصلت المدرسة
تطيح من عالدرج وإذا وصلت غرفة المعلمات يغمى عليها قبل لاتجي فصلنا
بنات الفصل: هههههههههههههههههه
اندلين بخوف : ميمو وش هالدعاء حرام عليك الدعاء ع المسلم حرام
بعدين الملائكة تقول ولك مثلها
منال: أما ميمو معك حق هالابلة ماتعرف تغيب بعدين دودي ربي
يستجيب دعوة المظلوم وحنا مظلومين لما نستحمل غثتها
لمار: هههههههههههه حلوة دعوة المظلوم
وبعدها دخلت ابلة ليلى
منال: اذكر القط يجيك ينط لو ذاكرة مليون ريال أحسن لي
ريم: هههههههههه
قامت ميار تمسح السبورة وبعد مامسحتها : ابلة ممكن أاروووح
اغسل يدي
ابلة ليلى: روحي بس لاتتأخري كالعادة
ميار: ابلة حرام عليييك يادوووب أروح بس الحمام واغسل
وارجع الفصل
ابلة ليلى:اللي يسمعك يقول من بعدهم الحمامات مو كأنهم جنب
الفصل
نوف: ابلة أنتي ماتعرفي إن ميمو عندها حساسية بيدها لازم
تغسلها زين
ابلة ليلى: إذا عندها حساسية لاتمسح السبورة مرة ثانية
ميار: وهذا جزاي ابلة إني بريحك ...وطآلعت بآلسبورة شوفي
اشلون اخلي السبورة نظيفة عشان تفتح نفسك للشرح بإخلاص
بنات الفصل: ههههههههه
ابلة ليلى: خلاص روحي ... يلا سكتوآ خلنآ نبدأ درسنا
دينا: ابلة ممكن ادخل
ابلة ليلى: ليه يادينا متأخرة
دينا: وش أسوي أنتي تدرين أن منطقة الرياض تعاني من زحمة السير
وماتوقع إني كنت موظفة في امن الطرق عشان أحل المشكلة وأوصل
بدري
ابلة ليلى: عذرك المعتاد
منال: ابلة خليها تدخل حرام الحييين بتتعب من الوقفة
خلود: وبعدين ياستاذة تدوخ علينا وأهلها يشتكوا عليييك
منى: أستاذة أنتي ماتدري إن عندها فقر دم حاد
دينا تنفخ في صدرها: شنوووووووو اسم الله علي وش زيني
الله يحفظني لهلي
ابلة ليلى: انتو ماتبطلو حركاتكم ادخلي وسكري الباب
وبعدها بشوي
ابلة ليلى : منو تطلع تحل هالمسألة
اندلين رفعت يدها ابلة ليلى: كالعادة مافي غير اندلين
اطلعي حبيبتي
ميار: ابلة كافي اندلين تسوى الدنيا ومافيها
نوف: بعدين يابلة ماتريدي تنور السبورة بخطها الحلو
اندلين استحت من كلام البنات
ابلة ليلى: كافي مو شايفين البنت استحت من كلامكم
ميار : وش نسوي هذي الغالية
ابلة ليلى التفت لمنال: منال وش جالسة تسوي
منال: هااااه... ابلة..
ابلة ليلى: قلتلك وش جالسة تسوي انتي وأشواق
أشواق: أنا ... استغفر الله وش أسوي معك ابلة
ابلة ليلى: لاوالله اجل شنو اللي دسيتيه بالدرج
منال : ولاشيء ابلة وبخفة يدها طلعت الألبوم من الدرج
ورمته ع الأرض ودفته لورا ونور خذته
أشواق : إذا مو مصدقتنا تعالي شوفي بنفسك
ابلة ليلى : اجل وش كنتوا تسون
وفجأة صرخت نوف: stooooooooooop
ابلة ليلى آنرعبت من آلصوت: وش فيك جنيتي أنتي
نوف: لا بس وقت الحصة الافتراضي خلص والحين
انتهى الدرس
ابلة ليلى : ع كيفك تقرري
خلود: لا بس أنتي عارفة أستاذة إن باقي ربع ساعة ع الاختبار
ولازم تعطينا فرصة للتهيئة النفسية
منى: وتعرفي لزوم التوتر والقلق والأمراض المستعصية التي تصيب
الطالب قبل الاختبار لابد من الراحة وأي وحدة ماراح تحل راح
تكسبين إثمها
ميار:بعدين يابلة أنتي عسل وأكيد تحبين الخير للناس فبتخلينا نذاكر
عشان في المستقبل المدرسات يخلون بناتك يذاكرون
ابلة ليلى: حسبي الله ع إبليسكم شنو هالحزب
ميار: ابلة قولي ماشاء الله أنتي تعرفين العين حق
ابلة ليلى: ماشاء الله خلاص ذاكروا وخرجت من الكلاس
نور :ييييس وباستها منال: ثانكس ع الخدمة
نور: انا لك غلاتي

mody30 02-14-2012 12:04 PM

في الفسحة
بشرى: اندلين ممكن شوي
اندلين بطفش: نعم بشرى
بشرى بقلق: وين الينو اليوم ماجات
اندلين مآعرفت وش ترد: شوي تعبانة
بشرى صرخت : وش فيها وش يعورها راحت المستشفى
وش قالولها
اندلين واللي تعرف وش كثر بشرى تموت ع أختها: ولاشيء
بس رأسها شوي مصدع
بشرى بخوف منبعه آلشك : متأكدة مافيها شيء
اندلين : أكيد وراحت عنها
اندلين : طفشت
حنان: من ايش
اندلين: من معجبات الينا كل شوي وحدة ناطتلي تسأل عنها
حنان: ههههههههههههههه المفروض تعودتي
اندلين: الله يهديها لازم يعني تعطيهم وجه
حنان: يعني ماعرفتي إن معجباتها بدا يتجاوز نص المدرسة
اندلين: بس هم مايعرفون عنها أي شيء
حنان: لعلمك مايهمهم أهم شيء شكلها إلا وش معنى اسمها
اندلين: الفتاة الشقراء .. اسم ع مسمى مو
حنان : اهاا.. أما أختك هذي سحرت المدرسات قبل البنات
تقولين ملاااك شعرها أشقر وبيضاء وعيونها زرقاء
اندلين بتردد : ترا أغار أنا...
حنان بثقة من اللي بتقوله: هههههههههههههه تدرين انه رغم
جمال إلينا إلا أنك أنتي تباني الأحلى لان نور الإيمان يجذب الناس
لك في وجهك نور مستحيل جمال إلينا يوصل له عمرك ماسألتي ليه
كل الناس تحبك ليه تموت عليك دوم تبتسمي في وجههم وتطبقي
حديث الرسول صلى الله عليه وسلم " البسمة في وجه أخيك صدقة"
من تشوفي وحدة متضايقة تروحي تسمعيها وتحاولي بشتى الطرق تفرجين
محنتها عسى ربي يفرج كربتك وكل هذا وشاكة منوا حلى أنتي وإلا إلينا
صحيح إلينا جسد بس أنتي روح بعدين شنو ناقصك ياعمري عيونك
رمادية وشعرك أسود وطويل يجنن وكلك ع بعضك قمر
اندلين ضمت حنان بحب ــ: الله لايحرمني منك ياعمري
حنان : هههههههههه طيب ياحلوة ماقليلي وش أخبار أمك
اندلين وهي تفرك آصآبعهآ : خايفة كثييير منها وعليها
حنان بخووووف : أمس سهروا عندكم
اندلين بيأس : لا سهروا برا بس اليوم السهرة عندنا بالشقة
حنان وزاد خوفهاااا: الحين أمك ماتخاف واحد من اللي تسهر
معاهم يعتدي ع وحدة منكم
اندلين بحرقة قلب : أمي لو تخاف علي كان ماتركتني من أول
مانولدت
حنان تواسيهااا : الله يصبرك حبيبتي
اندلين ومسحت الدمعة من عينها: اميييين
حنان بتردد وخوف من وقع اللي بتقوله :دودي بقولك شيء
اندلين طالعت بعيونها والخوف كاسيهاااا : قولي نونتي خوفتيني
حنان نزلت عيونها ع الارض: أنا راح انقل من المدرسة
اندلين تفاجأت : اييييييييييييييييييش
حنان بتبرير مع انهآ مآودهآ بس الظروف احيان تجبر : أنتي
تعرفي إن المدرسة صارت بعيدة بعد مانقلنا من بيتنا وقبلوني
الحين بالمدرسة اللي جنب بيتنا
اندلين وهي ترتجف : بس حنان أنا مقدر أفارقك
حنان والدمعة بين عيونها متحجرة : دودي هذا نصيبنا
اندلين بخوف من سيرة الفراق : يعني خلاص ماراح أشوفك بعد اليوم
حنان بآمل: إلا تقدري تزوريني
اندلين بيأس : أنتي ادرى بظروفي
حنان نطقت وآلآمل بدآخلهآ : الدنيا صغيرة وأكيد راح نلتقي
اندلين بضيقة خآطر : بس ياحنان أنتي تعرفي اشلون أنتي قريبة مني
واحتاجك كل وقت
حنان ودموعهآ بعيونهآ: والله عارفة حبيبتي بس مو بيدي غصب عني وآلله
اندلين : نونتي بليييز لاتنسيني
حنان :دودي وش هالكلام مستحيل أنساك

..... ألم يعتصر قلبي فتغيب الشمس بيوم حلمي .....
فهل ستداوي الأيام جرح قلــبي وألامــي ,,,,

ودق جرس الفسحة
ندى : بنات جايبتلكم خبر بمليون ريال
اندلين: وش هو
ندى : ابلة هناء غايبة
بنات الفصل: واااااااااااااااااااااو
ميار: يلا بنات خلونا نفلهآ نرقص
نوف: بس أول سكروا الباب
منال: دور سعاد اليوم تغني
سعاد: من عيوني يلا نبدأ
ندى: خلود أعطيني طرحتك
وبدت سعاد تغني بس ماعرفت الأغنية ولآ لمين لأني الحمد لله ماعمري
فكرت أسمع أغاني وياما نصحتهم فمن رأي منكم منكرا فليغيره
بيده وأنا ماقدرت فماكان قدامي غير اللسان بس مافاد وإبليس
شاطر بس دايم ادعي ربي يهديهم ولايغرهم شبابهم وتسوف لهم انفسهم
كانت ندى ومنى ومنال ونوف يرقصوا وكانت ميار وروان
يدقووووا وباقي الفصل متفرجيييين
أميرة: عاشوووو عاشششووووو
جنان: الحين الادراة بتسمع الصوت بيجون
منال: ههههههههههه خلهم يجون عادي تعودنا ع تهزيئهم

أجمل اللحظات حين اجلس معكم كم انسى في هذه اللحظات
همومي المتراكمة ع ظهري
أنظر إليكم ... أسمع أحاديثكم وهمساتكم المسلية .. ينتابني
شعور البسمة في داخلي
أشعر بحبكم ... بنبض قلوبكم .. كم يحتويني جواركم
وكم أستمتع بلحظاته
كم سمعت كثيرون تضيق صدورهم للقدوم إلى المدرسة
ولكن ... حين يقف الأمر علي فاني آلشوق يجلبني كل يوم
إلى المدرسة

بنهاية الدوام
حنان ضمتهآ : خلاص دودي تكفين لاتبكي عشآني
اندلين وهي تمسح دموعهآ: والله مو بيدي أنتي أدرى
بغلاتك عندي
حنان وهي تحآول تخفف عن صديقتهآ: حتى أنتي غالييية حييييل
علي
اندلين بترجي: حنان لاتنقلي
حنان وهي ودهآ هآلشيء آكثر : والله مو بيدي
اندلين مسكت يدهآ : اوعديني ياحنان انك تجي تزوريني
حنان: أوعدك حبيبتي
اندلين: حنان انتبهي ع نفسك ولا تنسي أيامنا
حنان ضمتهآ بقووووووووة: إن شاء الله وأنتي كمان
اندلين : استودعك الله الذي لاتضيع ودائعه

هنا التقينا ... لم يمضي ع وجودي أيام قلائل حتى عرفتك ...
أحببت عشرتك وان أنصت إلى رقة حروفك
كنت الأقرب إلى قلبي ... وكنت أنتي الغالية...
أربع حروف لكن تغني عندي عن كل الحروف
كم جمعت هذه الجدران ذكرياتنا... أحلامنا.. دمعاتنا قبل أفراحنا...
كم سأشتاق لمرآك ... للحديث معك ... لرؤيتك غاليتي
ولكن هذا الفراق كتب علي أن أفارق كل من أحب
فهل ستعودوا لي أحبابي يوما...؟
ومآزآل مكنون آلآجآبة بجعبتك يَ قدر

..... ألم يعتصر قلبي فتغيب الشمس بيوم حلمي .....
فهل ستداوي الأيام جرح قلــبي وألامـي ,,,,

رجعت شقتنا المكونة من 4 غرف وحدة مجلس بسيط بس ديكوره
غلب عليه بطابع الفخامة وغرفة أمي المنفصلة وغرفتي أنا وغرفة إلينا
بجناح مستقل وهذي تعتبر حسنة أمي الوحيدة لكن للأسف حسيت
بوحدة فضيعة بين الجدران وكأن البراويز المعلقة عليها تحاكيني
أمي برا مع صاحباتها صاحبات السوء ونست المرء ع دين خليله فلينطر
احدكم من يخالل ... والينا اليوم بتتغدى مع سعود مع إني ماتوقع اسمه
من الأساس سعود طلعت لي من الشنظة كرسوان وعصير جبتهم معي
من السكول عشان أقدر أوقف ع حيلي
صليت فرضي ونوافلي وانسدحت ع سريري أبي أنام يمكن احلم بحياة
أحسن يمكن ألقى الأمان بنومي أحب النوم كثيييير مو لأني أحبه بس
لأنه هروب فعلي من حياتي الواقعيييية

..... ألم يعتصر قلبي فتغيب الشمس بيوم حلمي .....
فهل ستداوي الأيام جرح قلـــبي وألامـي ,,,,

صحيت ع الساعة 2.15 p.m لبست جلابية بسيطة وعبايتي
وطلعت أمشي ع رجولي وماتتألمت لاني تعودت حتى وصلت المكان
المطلوب فتحت الباب بمفتاحي الخاص وكالعادة لقيتها بالصالة تنتظرني

mody30 02-14-2012 12:05 PM

آيقآع آلحزن آلثآني

اندلين حبت رآسها بحب وآحترآم: كيفك خالتي اليوم

أم عبد العزيز بقلق : الحمد لله يابنيتي ليه تأخرتي خفت عليك

اندلين وتمنيت نظرة هآلخوف آشوفهآ بعيون آمي : لاأبد خالتي راحتي علي

نومة وبخوف عَ صحتهآ: أخذتي دواك يمه

أم عبد العزيز وحست قلبها ارتاح : ايه يمه الله يريح بالك

اندلين بحب للهآلآنسة وبر وكآنهآ آمهآ: الله يسمع منك ياخالتي

قومي معا ي خلني أروشك

ودفعت كرسيها المتحرك لغرفتها وبعدين للحمام



( لابد أن شدكم الفضول لمعرفة هذه المرآة فقصتها لاتبدو غريبة في

عالم أنكر حقوق الوالدين.... وجعل الولد يتخلى عن أمه العاجزة

رغم مشقتها في تربيته ... رغم سهرها ع راحته ليلا والدعاء

بالتوفيق له نهارا...رغم جملها به 9 أشهر دون أن تتأووه من التعب

واستحملت من أجله آلام الطلق ومعاناته وكتمت صرختها بداخله

من أجل أن ترى عيناه ع هذه الأرض..

كانت تبكي لبكائه .. تفرح لفرحه.. وان تكدر خاطره ساعة دمعت

عيناها ع حاله ..وحين شب وأصبح عوداَ تركها وحيدة من أجل دنيا

فانية .. كنت أنا المشرفة ع ـليها مقابل 500 شهريا)


..... ألم يعتصر قلبي فتغيب الشمس بيوم حلمي .....

فهل ستداوي الأيام جرح قلـبي وألامــي ,,,,

الساعة 8.25 p.m

دخلت البيت بعد رجوعي من عند أم العزيز لقيت إلينا بوجهي

تبي تطلع

اندلين بآستفسآر: وين رايحـــــة

إلينا مشت من جنبهآوبتجآهل : مايخصك

اندلين حآولت توقفهآ: الينا لو سمحتي ردي علي أنتي تعرفي أني خايفة

عليك ..!

الينا بطفش : اووووف منك أنتي ماتخلصي من محاضراتك اليومية ..؟

اندلين وهي تطآلع سآعتهآ: أنتي ماتشوفي كم الساعة الحين؟

إلينا كتفت يدينهآ: ومنو وكلك علي إن شاء الله لاتكوني ولي أمري

ع غفلة وأنا مدري..

اندلين لمعت عيونهآ : بس يالينا غلط اللي تسويه

الينا بنرفزة : اقو ل إذا جدك كان متخلف ورباك ع تخلفه هذا

شيء مايخصني

اندلين بندم : ليتك ماعشتي هناك

إلينا وكآنهآ مسكت مربط آلفرس: أنتي بنفسك قلتيها أنا أمريكية أبوي أمريكي

وتربية أمريكا وجيت هنا أرفه ع نفسي تطلعين أنتي بوجهي وتنكدي

حياتي

اندلين وشوي بتبكي من خوفهآ ع آختهآ :إلينا أنا أترجاك كافي مكالمات

وطلعات وسهرات لمتى

إلينا ومآهمهآ : احمدي ربك أني ماصرت مثل أمك بعدين أنتي شكو فيني

انقلعي ع كتابك أحسن

اندلين وقفت قدآمهآ بتمنعهآ: مو ع كيفك وبتتركي حركاتك هذي

الينا ضربتها كف: اصحي لعمرك يامعقدة وإذا مو عاجبك الحين

بطلع مع سارة وببات عندها

اندلين خآفت : خلاص بسكت بس لاتروحين عند سارة تكفين أنتي

ماتعرفين انه هالبنت سمعتها بالأرض

الينا ضحكت: ههههههههه أقول يالمتخلفة ضحكتيني من قلب تشاوووو

اندلين جلست ع الكنب مآحرقهآ آلكف مثل مآنحرقت روووحي ومآبكت من آلمه

كثر مابكت أمها ... أختها... حياتها ... كل شيء بدنياها يجرح خوف

وقهر يعتريهااااا ومحد حاس


..... ألم يعتصر قلبي فتغيب الشمس بيوم حلمي .....

فهل ستداوي الأيام جرح قلــبي وألامـي ,,,,


في بيتــــــ آخر يبعد الكثير وقد يكون القليل بيت

رغم صغر مساحته الا ان نظامه وديكوره أكسبه الكثير ليطغى

بملاحمه ع الفخامة بحد ذاتها

المكان " الدور الأرضي "

رائدباستغراب : شنووووو تسوين عندكـــ..؟

غرور بربكة : هااااااااااه

رائد مسك يدها بعصبية: قلتلك شنو اللي مدخلك غرفتي

هاه تكلمي ياهانم..؟

غرور تلعثمت: روندد قالتلي أجيب لها الشاحن

رائد تركها وقفل الباب بالمفتاح: قلتيلي روند تبي الشاحن مو ...

حصلتيه والا لسه ...

غرور بخوووف : أنت ليه سكرت الباب...؟

رائد مارد عليها وقرب منها لين لصقت بالجدار وقال باستهزاء:

هههههههههه تظني بتدخل بالي حركاتك آنسة غرور

غرور بخوف حقيقي تغطيه الثقة : أي حركات تقصد

رائد ضحك بكل سخرية: هههههههههه ترا أدري أنك تموتين

ع ارض أدوسها برجولي

غروربكبر : أنت كذاب أنا كرهتك من زمآن

رائد كتفها بأيده : هالكلام قوليه لغيري بس تدرين أنتي مو

أكثر من حشرة معكرة حياتي تبين الحقيقة يابنت عمي لو فكرت

بإنسانة أنتي بتكونين آخر وحدة أفكر فيها لأنك وحضن وجهها

بين ايده : ولاشـــــــــــــــــــيء

تدرين ولاشــــــــــيء

غرور وهي تبكي : أنا شنو سويت لك عشان تسوي كذا حرام

عليك ماتحس ليه والله أحبك يارائد

رائد بكل برود قرب منهآ لين مآخآلطت آنفآسه آنفآسهآوبآسهآ: ترويك

بوسة من حبيبك آنسة غرور

غرور وهي مواصلة بكاء ودمع عينها اهون من جرح قلبها :

أنت حقير تدري شنو يعني حقير

رائد بدم بارد ضربها كف: هههههههههههههه الحقيرة اللي تدخل

غرفة ولد عمها وبكل جرأة تقول أحبك وبقهر فتح الباب:

اطلعي برااااااااااااااااااااااا مآبي آشووووفك قدآآآآآآآآآآآمي

غرور طلعت بسرعة تسابقها دموعها بعد أن دمر كل خلية من كيانها

وبعثرها ولمها وبعثرها كأنها دمية لاأكثر

آمآ رآآآئد مآقدر يستحمل آللي سوآهـ " آشلون سويت فيهآ كذآ

مهمآ يكون بنت عمي وآلمفروض مآقرب صوبهآ بس هي آلحقيرة آشلون

رضت عَ نفسهآ تدخل غرفتي صدق آللي قآل لآيخلون رجل بآمرآة آلآ كآن

آلشيطآن ثآلثهمآ ي رب آنك تسآمحني ي رب وربي غصب عني صآر هآلشيء آلله

يسآمحك ي غرور حديتيني ع آلغلط ورآح جدد وضوءه

وصلى له ركعتين وجلس يدعي ربه يغفر له زلته


..... ألم يعتصر قلبي فتغيب الشمس بيوم حلمي .....

فهل ستداوي الأيام جرح قلـــبي وألامــي ,,,,


نفس البيت" الدور العلوي المنفصل "

أبو غيث بتسآءل : وين رايح ياولد

غيث وهو يطلع بجوآله : بطلع مع اأخويااي

أبو غيث وهو مو عآجبه آلحآل : وأنت مو ناوي تبطل هالصياعة

غيث بطفش : اووووووف .. يبه أنا تأخرت

أبو غيث بجبروت : هي كلمة وحدة بكرا بطلب لك بنت عمك

روند

غيث آنصدم : شنووووووووو.... يبه انت تتكلم جد أنا توني صغير

ع الزواج

أبو غيث لف وجهه عنه : أنا قلت كلمتي ومافيها رجعة

غيث طالع أمه بأمل : يمه قولي شيء حتى توني مآخلصت آلجآمعة

أم غيث بكبر : شو تبيني أقول انتظرك لين تضيع من ايديني الزواج

هو اللي بعدل حالك

غيث وهو منصدم من تفكيرهم: حرااام عليكم صدقوني بتظلمون

بنت الناس معاي

أبو غيث بثقة : لاتخاف أنا متأكد أن روند بستحملك

أم غيث وهي تآزر زوجهآ: روند مافي مثلها بكرا بنخطبها وهي بنت عمك

ستر وغطا عليك

غيث بعصبية بعد ماتفقوا عليه : أبي أفهم أنا وإلا أنتم اللي

بتتزوجون أنا مو موافق

أبوغيث بكل جبروت : غصبن عنك مو برضاك فاهم وإلا أنت لاولدي

ولاأعرفه وبيتي يتعذرك

غيث باستسلام نزل رآسه: براحتكم بس لاتجون تقولون ظلمت

البنت وياك

أم غيث بثقة نآبعة من غرور نفس : ماراح نقول


..... ألم يعتصر قلبي فتغيب الشمس بيوم حلمي .....

فهل ستداوي الأيام جرح قلــبي وألامـي ,,,,


"بإحدى غرف الطابق الارضي التي يغلب عليها اللون الوردي "

رفيف بعد ماسكرت من سؤدد سرحت بخيالها معقولة ياسياف تحبني

أنا .. والله أحبك وارتسمت ابتسامه ع شفاتها الوردية

روند بآستغرآب : وين وصلتي بأحلامك الوردية

رفيف بعد مآنتبهت لهآ: هاااااااااااااااه

روند وهي تطآلع فيهآ: من قال هاه سمع ... وين وصلتي

رفيف آشرت بيدهآ: ولامكان

روند بآستفسآر: مو علي السالفة تخص سيفووو مو

غلا بثقة من وضع رفيف : أكيـــــــــــدسيفووو

رفيف بغيرة: لاتقولون سيفوو اسمه سيافي

روند : لا تطورنا يارفرف وأنتي مصدقة كلام سؤدد

رفيف جلست مقآبل لهآ: وليه ماصدقه بعدين وش مصلحتها تكذب

علي

روند: لأنك غبية مافي شيء بهالدنيا اسمه حب

رفيف بنرفزة: هذا بالنسبة للمعقدة روند أما الحب أحلى شيء بالدنيا

وآلتفت لغلآ :صح غلاااا

غلا بهيآم: الحب آروع آحساس فيه تحلى آلحياة وتبتسلمك

وتحسسكــ آنك آميرة .. ملكة .. شيء أكبر من الوصف

روند شآحت بوجههآ عنهآ: براحتك آنسة رفيف بس خليي كلامي ع بالك

أنتي مو من مستواه عشان يحبك افهمي

رفيف بتفكير: الحب مافي مستويات ياما أغنياء حبو مو من مستواهم

وبعدين مستوااانا حلو صحيح مو قريب منهم لكن ربي منعم

علينا ولله الحمد

روند بنصيحة: انا ماقلت شيء بس اللي تفكيرين فيه خرافة روايات

لاأكثر ...وبخوف ع آختهآ : أعقلي يابنت ناصر

غلآ بآستغرآب: روند وش فيكــــ آلحب لآدق القلب مآيعرف

مستويآت أو غيرها

روند وهي مو عآجبهآ تفكيرهم: تبين تفهميني كمان أنتي أن سياااف يحبها

غلاآآ بآستغرآب: وليه مآيحبها وش نآقصها رفيف

روند وهي تفكر: أنا مو دآخلة عقلي هالسالفة كلهـــآ

رفيف بثقة: لو مسوية شيء غلط وقتهآ قولي هالكلآم أنا لاتعرفت

عليه ولآكلمته بس أحبه

روند بحكمة : وأنا خايفة تنجرفين ورا هالشيء ..آلغلط يبدآ من

شيء صغير وينتهي بمصيبة

رفيف تنهدت : لاتخافين ورن جوالها وطآلعت بآلمتصل: هذا روآد

غلا اكتسى الخجل ملامحها ودقات قلبها أعلنت الثوران

روند طآلعت فيهآ : ياعيني ع َ الخجل

غلا آخذت شهيق وزفير : آآآآآآآآآه والله أحبه

ردت رفيف بعد مآفتحت السبيكر: هلا رواد

رواد بشوووق : رفيف غلا موجودة عندكم

رفيف : وأنا أقول غريبة الاخ متصل اثاريه يسأل عن

خطيبته

رواد بقهر : لاتلعبين بأعصابي هي عندكم موو

رفيف: يب يب وش تبي

رواد: مابي شيء بس كنت جايب بآسكن وأبي أعطيها

آيااااه

غلا بحب: فديتك

رواد بلهفة : رفيف اللي سمعته صوتها

رفيف مآهمهآ لفهته : أقول ياحبيب خلك من اللي سمعته جايب لها

وانا لوح جدار بالبيت ماتجيب لي

رواد: يابطة وش هالكلام اكيد جبت لك ولروند بعد بس

تكفين رفيف ابي اسمع صوتها وربي ولهان عليها

غلا ذابت من الحيااااا بمكانها

روند سحبت الجوال وسكرت السبيكر: رواد وش فيك

صاير خفيف ؟؟

رواد بهيااام: الحب غزا قلبي بدون رحمة والشوق لعيونها وحكيها

ذابحني ياختي وش تبين أسوي اذا الحب يعصف بقلبي بدون رحمة

روند تصبرهـ ومآفي شيء يصبر آلوآحد لآنهكه آلشوق: هانت ياخووووي

كلها سنة وتتزوجون

رواد تنهد من بين آضلآعه : واااااه من عذابي بهالسنة والله الود ودي اعقد

عليها الحين بس ابوي الله يهديه يقول اتخرج واتوظف وبعدها ازوجك

اياها

روند حبت تغير دفة آلحديث لآنهآ تدري بغرآم آخوهآ آلكبير: رووواااااد

خلاص ذاب الباسكن الحين

رواد رجع طبيعي: طيب تعالي خذيه

روند: طيب آلحين جآية وقفلت منه

غلا بلهفة : روند علميني وش قالك

روند: ماكافاني مطفوق جت الثانية وش بقول ياحسرة

غلا والحب بان بعيونها : تكفين روند وأخذت يدها وحطتها

ع قلبها حسي كيف يدق ريحيني الله يخلييييك

روند بحب :لاتخافين قال انه يحبك وولهان عليك الله لايحرمكم من

بعض ويجمعكم ع خيييييييييييييير

غلااااا بصدق: آميييييييييييييييييييييييييييييييين


..... ألم يعتصر قلبي فتغيب الشمس بيوم حلمي .....

فهل ستداوي الأيام جرح قلـبي وألامـي ,,,,


بنفس الشارع " بيت الجدة سارة" الذي مازال يحتفظ بعبق

التراااث الأصيل رغم ماطرأ عليه من عوامل التجديد المستمرة

ومازال يحتفظ بطيبة قلب تلك الانسانة التي لو وزعت ع العالم

لاكتفى منها البشر

سؤدد بعد مآقفلت من رفيف : سيااااف ارتحت هذاني قلتلها بس أوعدني

ماتلعب ع البنت

سياااف بسخرية : ههههههههههههه ولايهمك سؤدد

سؤدد بخوف: سياااف حرام عليك البنت مو لعبة رفيف قلبها رهيف

وأي شيء يجرحهاااا

سياااف بكبر : سؤدد لاتتدخلي بهالموضوع انتي سوي اللي أقولك

عنه وبس

سؤدد وضميرهآ يآنبهآ: أنا بقولها الحقيقة ومايهمني

سياااف عصب بقوووة : وقسما ياسؤدد لو سويتي هالشيء

راح تشوفي شيء مايرضيك وأنا حذرتك وبتهديد :فااااهمة

سؤدد بترجي: الله يخليك ياأخوي لاتخلي الانتقام يعميك البنت مالها دخل

وماتستاهل اللي رح تسويه فيهااااا

سياااف والعصبية عمياااه : دامها أخت رائد تستاهل ومن بين شفآيفه:

إن ماخليته يبوووووس يدي ماكون أنا سياااف قفلي الموضوع

لأحد يسمعناااا ... أنا رايح أجلس مع الشباب


..... ألم يعتصر قلبي فتغيب الشمس بيوم حلمي .....

فهل ستداوي الأيام جرح قلــبي وألامـي ,,,,


الساعة الآن 11:05 AM بتوقيت مسقط

Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO 3.6.0 Designed & TranZ By Almuhajir

Adsense Management by Losha

جميع الحقوق محفوظة لمنتديات شمس الحب

1 2 3 4 6 7 8 9 10 11 12 13 15 16 17 18 19 20 21 22 23 28 29 30 33 34 35 36 37 39 41 42 43 44 45 46 47 48 49 53 54 55 56 57 58 59 60 61 62 63 64 65 66 77 78 79 80 98