قناص الغزلان
 

[[[[[[[[[[[[[[[عايلة ابوبندر ]]]]]]]]]]]]]]]]]]]]]]]]]
ابو بندر 00رجل كبير في السن ربي منعم عليه وعنده مجموعة شركات شخصيته قويه وكلمته ماتثنى وهذي
الشخصيه ورثها منه ولده بندر الي هو>>بطل قصتنا<<
ام بندر00زوجة ابوبندر وام عياله واصغر من زوجها بكثير لانها تزوجته وهي صغيره وهي امراءه مطيعه
لزوجها في كل شي يقوله حتى لو ماكانت مقتنعه بس انها تربت على كذا
بندر 00>>بطل قصتنا <<عمره 25سنه شاب وسيم وطويل ذو شخصيه قويه ويد والده اليمين ماسك شركات
ابوه وهو خريج ادارة اعمال له هيبه ويحترمه الجميع مالك على بنت عمه مرايم
احمد00عمره20سنه للحين في المدرسه ثالث ثانوي صاحب نكته ودمه خفيف
هنادي00اختهم الصغيره عمرها 19اول سنه جامعه تخصص رياض اطفال
[[[[[[[[[[[[عايلة ابو محمد]]]]]]]]]]]]]]]]]]]]]]]]]]]
ابو محمد00اخو ابو بندر اللي اصغر منه يحترم اخوه كثير رجال على قد حله ومسالم
ام محمد00زوجة ابو محمدامراءه متسلطه وهي كلمتها اللي تمشي في البيت وماتحط اي اعتبار لزوجها
محمد00عمره 23انسان محترم موراضي على اللي تسويه امه في ابوه وهذا سبب الخلاف الدائم مع امه
مرايم00عمرها 20 تدرس في الجامعه بنت مغروره ومو شايفه احد قدامها ولا حاطه اعتبار لاي احد
تسوي كل اللي تبيه ولاتخاف من احد دلوعة امها وهي زوجة بندر مع انها ماكانت مقتنعه انها تتزوجه
بس بعد مااصرت عليها امها واغرتها بفلوسه وانها بتعيش بنعيم اذا اخذت بندر وافقت انها تتزوجه
بس اشرطت انها تكمل دراستها مو حب في الدراسه بس لانه بتعيش كم سنه بحريتها اتسوي اللي
تبيه بدون ماحد يسالها
0000000000الشخصيات الباقيه راح ترد ضمن احداث القصه0000000000000000000
/////////////////////الفصل الاول//////////////////////////////////////
///////////////الساعه 6ونص في بيت ابوبندر///////////////////////////
رفع اللحاف عن وجهه وسكرمنبه جواله قام ياخذ دوش بعد ربع ساعه كان قدام المرايه يضبط
نسفة شماغه بعد مالبس ثوبه الرمادي الداكن
على طاولة الاكل كان ابو بندر ماسك وحده من جرايد اللي تصدر يوميا في المملكه وقاعد يتصفحها
والكل كان جالس على طاولة الاكل ينطر بندر ينزل عشان يفطرون
بصوته الجهوري:صبحكم الله بالخير قلها بندروهو يبوس راس ابوه وامه ويجلس يمين ابوه وقدامه
امه
ابو بندر:صباح الخير ام بندر:الله لايصبحك الابكل خير وعافيه يابوي ''دايم ام بندر تنادي بندر بكلمة
يابوي ''
ابو بندر:سموابسم الله
/////////////في مكان ثاني بالمملكه في قريه صغيره//////////////////////
ام غزلان:صباح الخير ياغزلان قالتها ام غزلان وهي تدخل المطبخ على غزلان وهي تحضر الفطور
غزلان راحت ضمت امها وباست راسها:ياصباح الورد والياسمين
ام غزلان:الله يرضى عليك يمك ويوفقك ويسخرلك ابن الحلال اللي يستاهلك
غزلان:هاهاهايمه اهم شي ادعيليي اني اتوظف هذا الشي اللي شاغل بالي
ام غزلان:انشاء الله يمك
غزلان:يمه ابوي صحى؟؟
ام غزلان:صحى وقعد في المجلس عند الدفايه
غزلان :اجل روحي عند الدفاء يمه وانا بجيب القهوه والفطور اللحين
>>>غزلان0 عمرها 22متخرجه من كلية التربيه بس ماجاها التعيين مثل كثير من المتخرجات اعطاها الله
الجمال والطيبه وهي وحيدة امها وابوها اللي هم اغلا ماتملكه<<<
>>>ابو غزلان رجل في السبعين من عمره طيب كثير وغزلان هي راس ماله في الحياه ودايم يفكر وشلون
يامن حياتها قبل مايموت<<<
>>>ام غزلان0حرمه طيبه وبنتها اغلى عندها من عيونها<<<
(عايلة ابو غزلان عايله متوسطة الحال ودخلهم الوحيد بقالة ابو غزلان اللي فاتحها يسترزق منها)
/////////////////////في الرياض//////////////////////////
في مكتب بندر##
صباح الخير يالقاطع
بندر:صباح النور
تركي:انت حي ولا ميت؟؟؟؟؟؟؟؟؟؟؟
بندر:هاهاهاابشرك انا حي ارزق
تركي:ياخوي اسبوع مانسمع صوتك!!!
بندر:اعذرني ياخوك الاسبوع اللي طاف كنت مشغول حتى اهلي مااشوفهم الا على الفطور واذا رجعت
بالليل القاهم قد ناموا
تركي: يابندر مايصير اللي تسويه ارحم نفسك شوي
بندر:وش اسوي ياتركي انت تدري ان ابوي معتد علي بادارة شركاته
تركي:الظاهر انك غلطان يابندر ابوك قال ادير الشركات ماقال اسكن بالشركات
بندر:هاهاهاهاهاماتخلي سوالفك ياتركي
تركي:ايه يارجال فرفش شوي اقول يابندر
بندر:سم
تركي:سم الله عدوك اليوم لازم نشوفك وترى مانقبل اي عذر
بندر:انشاء الله وين جمعتكم اليوم
تركي:في دوانية يوسف
بندر:خلاص ابشر
[تركي ويوسف اصدقاء بندر الروح بالروح من يومهم اصغار وهم مثل الاخوان]
///////////////في بيت ابو بندر //////////////////////
ملييييييييييييييييييييييييييييييييييييييييييييييكه وصمخ
مليكه جات مسرعه وحطت يدها على خصرها :سنو صمخ اهمد انت لازم في كلام
مع انا سوي اهترام
احمد:احترام اي احترام اللي تكلمين عنه 000انالي ساعه محترمك واناديك مليكه
ماعطيتيني وجه ويوم قلت مليكه وصمخ من اول مره سمعتيني
مليكه:يالله يالله مافي واجد قرقر سنو يبي??
احمد:والله اذا ماعليك كلافه ابي كاس عصير من يدينك الحلوين
مليكه:والله انت مافي استهي ))) وراحت
احمد: الا والله اني مشتهيه يابنت الحلال جيبيه بس
مليكه ماردت على احمد وراحت للمطبخ
هنادي:هاهاهاهاهاهاهاهااحمد ودي يمر يوم وما اشوف مليكه مهزائتك
احمد يخز هنادي:من قالك انها تهزاءني اصلا هذا اسلوب الحوار الراقي في الهند
اصلا هي تعاملني بكل رقي واحترام تشكر عليه
(مليكه خادمة بيت ابو بندر من عمر تعودت عليهم وهم بعد تعودوا عليها)
بندر يدخل المجلس على احمدو هنادي :السلام عليكم
احمدوهنادي:وعليكم السلام
احمد:الساعه7طولت اليوم بالشغل يابندر
بندر:اي بالله وانا اخوك اليوم كان عندي شغل مايتاجل لبكره وخلصته00 الا وين
ابوي وامي ؟؟؟
هنادي:ابوي معزوم عند واحد من ربعه على العشاء وامي تصلي العشاء فوق في غرفتها
بندر :خير انشاء الله)) وطلع من المجلس وراح لغرفته يغير ملابسه
(بعد15دقيقه نزل بندر)
بندر وهو يسكر كبكات ثوبه :لاتنطروني اليوم على العشاء لاني بتعشاء بدوانية يوسف
احمد:انشاءالله سلملي على تركي ويوسف
بندر وهو يطلع:يوصل
/////////////////في دوانية يوسف///////////////////////////
السلااااااااااااااااااااام عليكممممممممممممممممممم
يوسف وتركي وهم يقومون:وعليكم السلام
يوسف وهو يسلم على بندر:هلا والله بالغايب الحاضر
بندر:هلا فيك
تركي :حي الله بندوره=هذا الاسم مايحبه بندر ويتنرفز اذااحد ناداه فيه وتركي يحب
ينرفز بندر=
بندر:انا كم مره قلتلك لاتسميني كذا انا اسمي بندر وبس
تركي:خلاص ابى اناديك بس
تركي وبندر ويوسف:هههههههههههههههههههههههههههههههه وجلسوا
يوسف وهو يمد الفنجال على بندر:عاش من شافك يابندر
بندر:عاشت ايامك
يوسف:تراك اجهدت نفسك يابندر شوف وجهك وشلون صاير
بندر وهو يشرب القهوه:عز الله انك صادق بس الحمد لله اليوم خلصت الاشغال المهمه
وتفضيت لكم انتوا بشروني عنكم وش هي اخباركم
تركي: حنا على حطت ايدك كل يوم انتحراك لين عاد امس قال يوسف لازم ندق عليك
ونشوف وش اللي ابطابك
بندروهو يمد الفنجال ليوسف:بس 0الله مير يسلمكم يالربع
يوسف يمد البياله لبندر: اقول بندر وش عندك هاليومين
بندر:والله وانا اخوك هاليومين معطي لنفسي اجازه ليوم الجمعه اريح فيها بعد جهد الاسبوع
اللي فات
يوسف:وانت ياتركي؟
تركي: انا ماعندي دوام الخميس والجمعه
يوسف:حلووووووواجل انا عندي لكم راي
تركي:قول وش عندك مع اني خابرك ماعندك الا طلعت للبر
بندر:ههههههههههههه
يوسف:ههههه عز الله انك صادق بس هالمره بنغير بنروح منطقه امدحوها لي الربع يقولون
فيها ربيع وخير وش رايكم؟؟
بندر :مايبيلها راي اكيد انى بنخاويك هو فيه احد يقاوم طلعات البر في الشتاء؟؟
يوسف :اجل خلاص انتوكل على الله بكره الظهر في الدفاء عشان بعد يمدينا نبني خيمتنا
ونشب نارنا قبل مايروح البرد علينا في الليل
////////////////في بيت ابو غزلان///////////////////////
ابو غزلان وهو لابس فروته وواقف عند باب الصاله:يام غزلان يام غزلان
ام غزلان تطاع من غرفتها:سم
ابو غزلان:حطوا عشاء لراجو في صحن ابوديه له واخذ الغله
ام غزلان: ابشر
ام غزلان راحت لغزلان اللي لافه راسها بملفع وحاطه شال على اكتافها وتجهز العشاء بالمطبخ
ام غزلان:وش عشاك اليوم ياغزلان؟؟
غزلان وهي تقلب اللي بالقدر:هو فيه احسن من المرقوق اللي يدخن في ليالي البرد يمه!!!
ام غزلان:والله انك صادقه ياغزلان باقيله واجد عشان يخلص
غزلان:لا تقريبا خلص
ام غزلان:اجل حطي في صحن لراجو ابوك بياخذه معه
غزلان: انتي تامرين امر يام غزلان
////////////////في بيت ابو بندر الساعه 1باليل/////////////////
دخل بندر الفله وشاف الانوار كلها طافيه ماعدا نور الصاله الجانبه اللي بالدور الارضي ابتسم
;يالله انك لاتحرمني منها;
اتجه بندر للصاله وهو حاط شماغه على كتفه طاقيته وعقاله على راسه
قرب من امه وباس راسها
بندر وما تزال الابتسامه على وجهه:مانمتي يالغاليه؟؟؟
ام بندر:وش لون يجي عيني النوم قبل ماتشوف غاليها؟؟
بندر:الله لايخليني منك ويطول في عمرك يالغلا
ام بندر:تعشيت؟؟
بندر:اي بالله تعشينا عند يوسف
ام بندر: وشلون اخوانك يوسف وتركي؟؟
بندر:بخير 00ماودك تنامين يالغاليه ؟؟سامحيني سهرتك معي
ام بندر وهي تقوم وتستند على يد بندر اللي مادها لها:مسموح يابوي
>>وطلع بندر وامه على الدرج <<
بندر :نسيت اقولك يام بندر
ام بندر: خير انشاءالله!!
بندر:ترى بكره بطلع انا والربع للبر هالسنه ماخيمنا وانتي تعرفينا ماتمر سنه الا لازم فيها
طلعه للبر
ام بندر:اتعلمني فيكم انا خابرتكم الله يستر عليكم
بندر بعد ماوصل امه باب غرفتها:تصبحين على خير يام بندر
//////////////////يوم الاربعاء بعد الغداء//////////////////////
طلعوا الشباب على سيارتين بندر لاندكروزر2009وسيارة يوسف حاطين فيها الخيمه
وصلوا المكان الموصوف لهم وبنوا خيمتهم وشبوا النار وحطوا دلة القهوه عليها
بندر وهويصب لنفسه فنجال:ياماحلاالفنجال مع سيحة البال في مجلس مافيه نفس ثقيله
تركي: صدقت
بندر:وش يقال للديره اللي قريبه منا يايوسف؟
يوسف:اسمها---------
بندر وهو يتذكر:انا سامع هالاسم اذا ماني بغلطان
تركي:لا منت غلطان هذي ديرة الرجال اللي انقذت حياته قبل 3سنين
بندر:اي بالله انك صادق ماشاء الله عليك ياتركي مانسيت هالسالفه!!
تركي:وشلون تبيني انساها وانت كان بينك وبين الموت شعره !!
يوسف:اي رجال؟ واي ديره؟ متى صارت هالسالفه؟ وانا وين كنت؟
بندر:السالفه صارت قبل 3سنين يوم طلعنا انا وتركي بروحنا لانك مسافر في شغل
يومها نام تركي وانا طلعت اتمشى حول الخيمه وانا اتمشى سمعت احد يصرخ على
ثاني و يقوله اقولك طلع كل اللي معك لاذبحك وحنا الحالنا في هالصحراء ولا من شاف
ولامن دراء قمت اقرب من الصوت لين شفت ولد في العشرين من عمره حاط المسدس
في راس رجال كبير والمشكله ان الرجال يحلفله ويقول والله ياوليدي ماعندي غير اللي
عطيتك
يوسف:اعوذبالله وش هالبشر اللي مافي قلوبهم رحمه
بندر:بعد ماسلمت الولد للشرطه عرفت انه مدمن مخدرات ومستعد يسوي اي شي عشان
يحصل فلوس
يوسف :بس انت وش لون مسكته؟؟؟
تركي وهو يصب لنفسه قهوه:بندر تغافله من وراء واخذ المسدس من يده وغفلة الولد عن
بندر خلته يفلت المسدس بسرعه
بندر: المهم ان الفلوس رجعت للرجال والولد اخذ جزاه
تركي:وش رايكم قبل مانطلع للرياض نمر ونسلم عليه؟؟
بندر وهو يتمدد:راي طيب
يوسف:بس انتم تعرفون وش اسم الرجال؟؟
بندر:اذا ماني غلطان اسمه
((((((((((((((( ابـــــــــــــــــــــــــــــــــــــــــــو غـــــــــــــــــــــــــــــــــزلان)))))))))))) ))))))

/////////////////////الفصل الثاني////////////////////////////
,,,,,,يوم جديد في بيت ابو بندر الساعه2الظهر,,,,,,,,,,
ام بندر:مليكهههههه يامليكههههههههههه
مليكه وهي جايه من المطبخ:نعم مدااااام
ام بندر:اطلعي فوق ناديلي هنادي
مليكه:هاضر مدام
>>>مليكه طلعت فوق وطقت باب هنادي<<<
هنادي وهي مندمجه مع الابتوب:نعمممم
مليكه وهي تفتح الباب :هنادي مادام يبي انتي تهت
هنادي:اوكي دقايق ونازله
سكرت هنادي الابتوب ونزلة
هنادي:امري يمه بغيتي شي؟
ام بندر:ايه بحط عندك خبر ان مرت عمك وبنتهى بيجونا اليوم العصر
هنادي وهي متضايقه:الله يبشرك بالخير هم بيجون اليوم؟
ام بندر:ايه اليوم وش فيك كنك مو مستانسه؟
هنادي:انا مو مستانسه انا بتشقق من الوناسه مرايم ثقيلة الطينه بتجينا اليوم وما تبيني
استانس!!!!
ام بندر: وش فيك تكلمين على مرت اخوك كذا عيب يابنت استحي على وجهك
هنادي وهي تحسر: مو حرام يمه مرايم اللي مافيها شي واحد زين تاخذ بندر الجمال والشخصيه والهيبه
والعز بندر اللي مافيه بنت ماتمناه
ام بندر:انت تعرفين ان بندر هو اللي قال اخطبولي مرايم واختارها من بين كل البنات ولو بكيف بندر كان
تزوجها من اول ماملك عليها بس هي قالت موافقه بس لازم اكمل دراستي وبندر وافق
هنادي:بندر مايدري يعني شنو مرايــــــــــــــــــــــــــــــــــــــــــــم
ام بندر:اكيد يابنيتي مرايم اذا تزوجت بتعقل
هنادي :والله ماظنتي ماقول الا الله يعينك يابندر على مابلاك صحيح الحب اعمى
////////////في بيت ابو محمد///////////////
ام محمد:يامرايم اخلصي ماصارت كشخه
مرايم وهي قدام المرايه:يمه صبر اشفيك مستعجله؟؟
ام محمد وهي تجلس على سرير مرايم:انا مستعجله !!انتي لك ساعتين قدام المرايه والله لو بندر بالبيت مادري
وش بتسوين؟
مرايم بعصبيه:يمه لانكذب الكذبه وانصدقها انتي تدرين ان بندر مايعنيلي شي اسم انه مالك علي وبس
ام محمد:اسكتي اسكتي لايجي ابوك ولا اخوك ويسمعونك تكلمين على بندر كذا ويطينون عيشتك
انتي تدرين بندر وش يعنيلهم
مرايم:وشلون يبوني اتكلم ؟ادق اتحيه كل مانذكر اسمه!!
ام محمد وهي بدت تعصب من كلام بنتها:اقول اسكتي انتي تدرين ان بندرالكل يحترمه ويحسبله الف حساب
والاهم انه راعي نعمه وشركات ابوه كلها بيده احمدي ربك انك تزوجتي رجال بها المواصفات
مرايم:وانا وش خلاني اخذه غير فلوسه وشركاته؟؟؟؟؟؟؟؟؟؟؟؟؟؟
ام محمد:ولاتنسين انه مزيون وعيون البنات كلها عليه عشان كذا ابيك تحافظين عليه ولاتعطين فرصه لاي
احد ياخذه منك
مرايم:بدري على هالكلام يمه اللي يسمعك يقول بكره بتزوج
ام محمد:انا انبهك بس اعرفك لاهيه بخوياتك وطلعاتك وبالاسواق وناسيه الاهم من هذا كله
مرايم:لاتخافين على بنتك اناطالعه عليك فطينه وما تطوفني هالسوالف ولك علي اخليه خاتم باصبعي
ام محمد:ايه هذي بنتي >>>>>>>>>وطالعت ساعتها <<<<<<<يالله تاخرنا على الجماعه
///////////في بيت ابو بندر////////////
احمد نازل من غرفته لابس برمودا بيضاءوتيشيرت اسود وكاب ابيض ويغني حبيبي ارب بص وبص
بص ويقرب من امه ويجلس جنبها وهي تضربه على كتفه
احمد:هههههههههه افا يام بندر وش فيك علي؟؟؟
ام بندر وهي معصبه على احمد:وش هالي تقوله هذا انت ماتستحي؟؟
احمد:هههههه يمه خليني اغني براحتي مدام بندر مو موجود انتي تدرين ان دينه ودين هالاغاني
ام بندر:وليدي يحب الاغاني اللي لها معني يعني راشد ولا خالد ولا الرويشد هذي اللي اغانيهم لها معنى
احمد:حرررررام عليك يمه اللحين اغاني هيفاء وروبي ونانسي مالها معنى!! هذي فيها كل المعنى اسمعي
رجب حوش صحبك عني راجب صحبك جنني
ام بندر :اص اص ولاكلمه اسكت ولا قم عني
هنادي:هههههههههههههههه
احمدوهو يقلدها:ههههههههه ضحكتي من سرك بلا يالمهرج
هنادي :انا المهرج!!!!!!!!!!!!!!!!
احمد وهو يبي يعصب هنادي:اكيد انتي هو فيه غيرك حاط الوان قوس قزح على وجهه؟
هنادي وهي بدت تعصب :اصلا انت وش يعرفك بالمكياج!!
احمد:اي مكياج ؟؟انتي شفتي نفسك زين بالمرايه انا اقول غيريه لاتخرعين العالم
هنادي وهي معصبه:يمه شوفيه وش يقول
ام بندروهي تقوم احمد:قوم وخل اختك في حالها قوم قبل مايجون الحريم
احمد وهو ماسك ضحكته:على العموم انا قلتلك وبريت ذمتي اللهم بلغت اللهم فشهد
>>وطلع من البيت<<
/////////////في البررررررررر////////////////
بندر قاعد يشوي الصيد اللي صادوه:ياتركي قوم يوسف ماصار نوم هذا
تركي وهو يرسم على الرمل:انت تعرف يوسف اذا ضرب جنبه مدفع ماقام تبيه يقوم على صوتي
بندر:هههههههههههههه
يوسف وهو يقوم من فراشه: مدفع اللي يشيلك
تركي:ههههه انت قمة؟؟
يوسف وهو يتثاوب:لا انطر المدفع يضرب
بندر:ههههه اكيد ان ريحة الصيد هي اللي قومتك
يوسف وهو يقوم عشان يغسل:صادق قلت خلني اقوم اللحق على عمري قبل مايخلص الاكل
////////في بيت ابو بندر////////////
ام بندر:وش لونك يامرايم؟؟؟؟
مرايم بدلع:بخير الله يسلمك ياخاله انتي كيفك؟
ام بندر:بخير ونعمه يابنيتي
ام محمد:مالك علي حلفان يام بندر ان مرايم تحبك وتغليك ودايم تسالني عنك
هنادي(واضــــح اشوف التلفون مايهدى من كثر غلا مرايم)
ام بندر :تسال عليها العافيه وانا والله اني اغليها وغلاها من غلا رجالها
ام محمد :الا شلون بندر؟؟
ام بندر : بخيراليوم كلمني الصبح الغالي يقول انا مااستانس وينشرح صدري الا اذا سمعت صوتك
مرايم (عشتـــــــــو لك علي اخليه ينسى حتى اسمك)
ام محمد: الله يخليه لك
ام بندر :امـــــــــــــــــــــــــين ويخليه لزوجته بعد
>>>>>>>مرايم تتصنع الحياء اللي هو ابعد مايكون عنها<<<<<<<<<<
هنادي تخزها(ياشين السرج على البقر)
ام محمد :وشلونك ياهنادي وش فيك مانسمعلك حس
هنادي (اتفرج على المسرحيه):بخير ياخاله
مرايم :شخبار الدراسه معك؟؟
هنادي وهي ودها تقوم وتعطي مرايم كف يعدل فمها اللي تميله وهي تتكلم:
الدراسه زينه وتسال عنك!!!
مرايم :هههههههههههههههههه عاد ملقة تسال الا عني!! انا ام الدراسه
ام محمد: صادقه بنيتي والله انها ماتتشيل الكتاب عنها
هنادي (مااكذب من بنتك الا انتي)
\\\\\\\\\\\\\\\\\\يوم الـــــــــــــــــــــــجمعه الساعه9|||||||||||||||||||||||||||
قام بندر لصلاة الجمعة غسل وتوضى وجهز للصلاه وراح يقوم تركي ويوسف
بندر وهو يدخل الخيمه:تركي يوسف يالله قوموا ورانا صلاه جمعه وبعدها طريق للرياض
تركي وهو يطلع بساعة يده بعين بندر منت بصاحي صلاة جمعه الساعة9 :ياخي خلنا ننام انت تدري مانمنا الا بعد
صلاة الفجر
بندر وهو يرفع اللحاف عن تركي: ياخي قوم يادوبنا نلحق على الصلاه في مسجد القريه على مانشيل اغراضنا تكون
الساعه 11
>>>>>>>>وبعد الحاح من بندر قام تركي ويوسف<<<<<<<<<<<
شالوا الشباب اغراضهم وراحوا يصلون في مسجد القريه
\\\\\\\\\\\\\\\\\\\في الرياض بعد صلاة الجمعه في سيارة احمد\\\\\\\\\\\\\\\\\\\
ابو بندر: ماتدري عن اخوك ماكلمته؟؟؟
احمد :الا كلمته البارح قبل مانام
ابو بندر :ماقالك متى بيجي؟؟
احمد :على كلامه اليوم بعد صلاة الجمعه بيمشون
\\\\\\\\\\\في القريه بعد صلاة الجمعه وبعد ماسلم بندر على ابو غزلان\\\\\\\\\\\\\\\\\\
ابوغزلان: ويده بيد بندر ياهلا والله ومرحبا بالنشمي
بندر :ياهلا فيك يابو غزلان
ابو غزلان: وشلونك ياوليدي ؟طولت علي لي ثلاث سنين وانا انتظرك
بندر باستغراب: تنتظرني !!!!انا!!!
ابو غزلان :اي بلاه انت 0مهو بنت اللي رجعتني لهلي اللي مالهم غيري بعد الله ؟وضحيت بسلامتك
عشاني مع انك ماتعرفني ؟والله لو انه واحد غيرك كان ماسوا اللي سويته
بندر وهو يبتسم :انا ماسويت الا الواجب واللي يمليه علي ضميري
ابو غزلان :قل تم يابندر
بندر :تم
ابو غزلان: عشاك عندي انت وربعك
بندر :مانبي نكلف عليك يابو غزلان
ابو غزلان: ابد مافيها كلافه انتم اللحين تروحون معي تغدون وترتاحون والليله عشاكم عندنا
بندر :ابشر يابو غزلان ماني برادك وعساك على القوه
\\\\\\\\\\في الرياض المغرب\\\\\\\\\\\\\\\\\
ام بندر: خلاص يابوي انتبه على نفسك ولاتسرع ترى طريق الليل خطر
بندر :ابشري يالغاليه يالله تامريني على شي؟؟
ام بندر :سلامتك يالغالي
بندر :الله يسلمك مع السلامه
ام بندر :مع السلامه
ابو بندر :وش عنده بندر؟
ام بندر :الغالي يقول لاينشغل بالكم علي اذا تاخرت لانه لقى احد معارفه اليوم بصلاة الجمعه
وعزمه هو وربعه على العشاء
ابو بندر :خير انشاء الله
\\\\\\\\\\\\\في دوانية ابوغزلان بعد ماعزم كل اهل الديره\\\\\\\\\\\\\\\\\\\\\
ابو غزلان بعد ماقهوى الرجاجيل وقف في مكان الكل يشوفه ورفع صوته عشان الكل يسمعه
ابو غزلان: ياالربع انا قبل 3 سنين صارت لي سالفه وكلكم تعرفونها وتدرون ان فيه رجال
انقذ حياتي من الموت وهو ما يعرفني
ابو سعد :اي بالله ندري ويومها عتبنا عليك انك ماعرفتنا عليه لان هالنوع من الرجال معرفته مكسب
ابو غزلان: انا جمعتكم يالربع عشان اعرفكم عليه اللي انقذني هالرجال >واشر على بندر<
ابو فهد :تسلم يمناك يابندر انشهد انك رجال من ظهر رجال
بندر وهو يرفع عينه عن الارض لان مايحب ان احد يذكر اللي يسويه لانه يسوي الخير لوجه الله:
سلمت وماعليك زود وانا يابوغزلان ماسويت هالشي الا لوجه الله
ابو غزلان: اسمعوا ياجماعة الخير والحاضر يعلم الغايب انا لي 3 سنين وانا اتحرى بندر يجي
عشان ارد له جميله
>>>>>>>>وقتها بندر حس ان فيه شي بيصير وطالع في تركي ويوسف اللي كانوا يطالعونه<<<<<<<<<<<
ابوغزلان بالصوت العالي: تــــــرا بنتي غــــــــزززززلان جتــــــك عطـــــــــــــــيه ماوراها جـــــــزيه!!!!!!!!!!!!!

يمه دخيلك لاوصل عني اخبــــار حذراك تذرف دمعتك لانكســــــــاري
كاني ولدك!! ومن طويلين الاعمــار امعاهدك بالله لارد اعتبـــــــــــاري