منتديات شمس الحب - قصيدة قالو مريض

قالوا مريض وقلت فيني ولا فيه
ياعزة الله كيف ذاك المرض جاه .
. كيف الألم يدمي فواده ويدميه
ليت الألم ياناس شخص آترجاه .
. لاجله بشيل العوق عنّه واراعيه
واصير من بد الخلايق أنا دواه .
. لانه عضيد الروح والقلب يغليه
ما ودي انه لحظة(ن) يشكي الآه .
. لو كان بيدي في عيوني أداريه
واتشيله اجفوني وتغمض وتنساه .
. ياذا المرض عجل دخيلك تعديه
خل التعب لا يهد حيله ويصلاه .
. ماجور يامن بالنواظر نساويه
يالله عسى م الشر يسلم محياه .