منتديات شمس الحب - نصيحة محب لكم في الله ومن واقع تجربةإإإإ

بسم ا لله الرحمن الرحيم

والصلاة والسلام على الرسول الامين.............مبارك الشهر على الجميع

اخوكم خسر في 2006 وخسارتي الاخيرة من شهرين تقريبا الى اليوم

حيث دخلت في مبلغ ولم يتبقى منه غير الربع وقررت اليوم ان اولا اتوب الى الله

عن المضاربة في الاسهم المحرمة وخاصة التامين وان اضع مااتبقى من المبلغ

في دار الاركان سواء نزلت او ارتفعت مو مشكلة.

طبعا سردت ماسبق لكي تستفيدوااا ليش خسرت مرتين ويعلم الله انه ماااودي

احد يخسر مثلي لاني اعرف انه فيه ناس جدد و ممكن مااعندهم خيرة

وراح يخسروا في سوق صعب ا لكسب فيه

اولا عدم الصبر عند شرى اول سهم والاستعجال في البيع حتى لو بخساره

واهم شي تخطط قبل دخولك للمرة الاولى وتختار الوقت المناسب للدخول

ويكون السهم قريب من قاعه مثال بسيط قبل شهرين وقبل خسارتي الاخيرة

خططت واخترت سهم وفاء وكان سعره 14 ريال ثم استعجلت وبعته

دخلت ملاذ وكان سعره 13 ونص واستعجلت وبعت طبعا وفاء طلعت ل 22

وملاذ طلع ل 18 ولو فيهم وتركت المضاربه مااخسرت وكنت ربحان ولكن مكتوب

ثانيا تترك المطامر من سهم لسهم وتحاول لا تشتري با المحرم والله ان ربنا

سبحانه يبعدنا عن الحرام وخاصة التامين مااافيه بركه

ثالثا تضع وقف لخسارتك راس مالك وتقيم نفسك مثلا دخلت ب100 الف

ووصلت خسارتك 20 الف ...توقف فورا اعرف ان عندك مشكله

انا دخلت بمبلغ 170 الف وخلال شهرين طلعت ب 50 الف وكنت اقول اذا

20 الف اطلع وافتك ولكن قلت اعوض وكل يوم خسارة وهذه النتيجة

رابعا لا تطمع اي سهم تشتريه كمضارب يومي ويربحك مثلا 500 ريال

بع على طول الا اذا كنت متاكده انه يبي يطلع صح مثلا عليه خير او معلومة

والله اني اضااارب يومي ويكون ربحي احيانا امامي 3000 ريال واطمع

وتنقلب خسارة واحيانا 2000 ريال زين لو جمعت على شوي شوي وبسرعه

ودون طمع كان افضل لك......ادري اني طولت عليكم شوي بس معليه

اخيرا التوكل على الله قبل كل شي وحاول تستثمر في سوق الفلس

والله اللي مرتاح والكسبان ومدورله رزق غير هااا السوق تجارة اخرى

والله يرزقكم من فضله ويوفقكم ودعواتكم لي