منتديات شمس الحب - هل الاستثمار كذبة وصدقناها

مساء الخير للجميع

هذه العبارة قريتها اليوم بالصدفه في احدى المواضيع لواحد من كتابنا

المشهورين

كان يتكلم على مااعتقد عن موضوع والله ناسي المهم في آخر عباره قالها

الاستثمار كذبه وصدقناها

هذه العبارة استوقفتني وبديت أفكر فيها وشلون كذبه (( معقوله ))

طيب سوق الأسهم يامضارب يامستثمر ،،، المضاربة لها ناسا ولها أدوات

ماني عارفين لها وفيها مخاطره جدا جدا عاليه يعني نرجع للاستثمار وحسب

مافهمنا أن الاستثمار تدخل في سهم ولا عليك من سعره السوقي سواء

ارتفع أو انخفض المهم عليك بالتوزيعات النقدية كل سنه

طيب نأخذ سابك على سبيل المثال توزع 6 ريال بالسنه لو شريت 1000 سهم

ب 80000 ريال تقريبا يعني يجيني بالسنه 6000 ريال فقط ،،!!!!!!!

هل هذا مجدي ؟؟؟

انا اعرف واحد من الأصدقاء قبل فتره شراء شاحنة صغيره بمبلغ 75000

الف ريال وجاب له عامل ونقل كفالته باسمه وسلمه الشاحنة الدينا بطريقه

نظامية ومشروعه هالحين على ذمته يقول يجيني كل شهر 3000 ريال وانا

لارحت ولا جيت

هذا المشروع الصغير الذي سواه صاحبنا مجرد مثال وفيه مشاريع ياكثرها

رأس مالها مايتعدى 120000 الريال بالكثير وتدخل يمكن بدون مبالغة

ثلاثة أضعاف اللي تجيبه احسن شركه بالسوق

وهذا اللي خلاني أفكر بالكلمة اللي قالها اليوم أحد الأعضاء ويمكن بعد جت

عفوية

لا الكارثه فيه ناس تطالب بالاستثمار في شركات ماتوزع أرباح وعليها أعلام

صفراء !!!! هيا بالله حلها

انتم وش رأيكم اخوتي الأعزاء هل الاستثمار الآن بالسوق كذبه ؟؟؟؟؟؟؟