منتديات شمس الحب - بعد 5 سنوات الاجنبي معه مرسيدس مايباخ اخر موديل والسعودي النترا 2013 موضبة المكينة .!

السلام عليكم ورحمه الله وبركاته

اللي الاحظه بالفترة الاخيرة وخاصه في الاجانب هنا
والله العالم ان بعد خمس سنوات بنكون اللعن من دبي من ناحيه السيارات
في دبي عادي تشوف الاجنبي معه سيارة فارهه والامارتي بنفس الحال
لانه الاجانب هناك لهم شركات خاصه ومسموح لهم يعملون أي شي في البلد
والاماراتي ما يحتاج اتكلم معروف رواتبهم عالية وعيشتهم ممتازة

امس وانا عند مطعم اشوف اجنبي يضرب هرن وينادي صاحب المطعم
الا الاخ اجنبي شكلة شامي ومعه كادلايك اسكاليد موديل 2015 اللي سعرها حول 400 الى نص مليون ومعه مرته وطفلين
ولا يطلب من السيارة ولد الشيوخ
وسبحان الله نفس الوقت عند باب المطعم سيارة كامري موديل 2010 ابيض اللون ( شكلة شاريها من المعارض ) صاحب السيارة نزل للمطعم وهو سعودي
ومرته بالسيارة مع ثلاث اطفال واطفالهم واضح انهم اكبر من عيال الشامي
حسيت اني مغترب عن بلدي انا والسعودي في المطعم يوم شفت الفروقات بالحال بين الاثنين
واذكركم ويمكن ابشركم لانه ناس عاجبه كذا وهو ان الوضع سوف يتغير بعد خمس سنوات
بنشوف الاحنبي معه مرسيدس مايباخ اخر موديل وتقدر سعرها فوق نص مليون
والسعودي على ماهو وقد تحصل معه النترا وفوق كذا موضبه المكينة وتوه مخلص اقساطها

لانه الوضع الحالي الاجنبي هنا في تطور من الوظايف والرواتب والعيشة
اللهم لاحسد اكيد تجي فئه تقول هالكلام وتجلس تدافع عنهم
لانه بختصار اما شغال تستر لهم ويعطونه المقسوم اخر الشهر 500 ريال يطير فيها فرحاً
او تحصله اجنبي ويجلس يدافع عن جماعته
اللي مع الاسف السعودي ما يفزع لعيال بلده ولا جاب خبره وخاصه الشيبان همهم في السياسة في ملاحقه اوردغان والاخوان والسيسي والحوثي وحزب الشيطان
ولا همه الوضع الحالي للمواطن

صحيح في فئه الله منعم عليها لكن بعد 5 سنوات الحال سوف يتغير عليهم والله اعلم
كل شي بيرتفع بترول ومواد غذائية وسكن وايجارات وقلة الطلب والشراء
وخاصه في المحلات التجارية الكبيرة ويتجهون للرخيص والمعقول
وقد نصبح مصر 2 من الحالة الاجتماعية بعد 5 سنين من الان
يعني الغني السابق قد يكون متوسط الحال ودون ذالك

وتكون البلد مقسم فئه غنية وهم الاجانب وفئة مسيورة الحال وبقليل عنهم يبعد فئة الفقر

واللي بيجي يقول رؤية 2030 والخير قادم للمواطن من حيث الوظايف والرواتب والعيشة
اقوله لك مني 10 الف ريال اذا شفت ربع الكلام على الواقع ذاك اليوم
بتقول وش تسوى الـ 10 الف
اقولك 10 الف في 2030 تساوي 100 الف حالياً
الله يعين بس