كيف تشتري قطع لسيارتك من amazon شرح بسيط
 

وصلتني أسئلة تستفسر عن طريقة البحث عن القطعة وكيف نتأكد أذا كانت تناسب السيارة أو لا ..
لست خبير بما يكفي .. لكن مايضر نقدم ولو شيء بسيط ..
بإذن الله بأطرح شرح مصور وبسيط للبحث , قد يفيد أحدكم ..

بس قبل نبدأ .. أمازون فيه بضائع متنوعة ومن باعة مختلفين ..
القطع تختلف صناعتها ومصدرها ..
مثلا سيارتي شيفروليه ماليبو 2010 ..
القطع الأصلية بتكون من GM وهي متوفرة في Amazon لكن قد تكون مقاربة لأسعارها محليا لذلك لاحاجة للشراء من الأنترنت وتحمل تكاليف الشحن ..
لكن القطع الآخرى مثل ACdelco وغيره .. فالفرق شااسع ..
طيب هنا سؤال يطرح نفسه .. ما مدى جودة القطع الآخرى ؟ وهل تستحق المخاطرة بشراءها ؟
الجواب : كل قطعة وتقييمها .. حتى لو كانت من طرف ثالث .. لو كان تقييمها ممتاز والعالم كلها تمدح فيها وش يمنع أشتريها وأوفر أكثر من نصف المبلغ ؟ ..


بإختصار .. الشراء من أمازون راح يكون من قطع غيار شركات تجارية بعضها جيد ومعتمد وبعضها سيء .. والمقياس لنا هو التقاييم .. مو كل شيء يباع بأمازون معناه ممتاز http://www.adslgate.com/dsl/images/smilies/56.gif


الشرح راح يكون على 3 جزئيات ..
1- كيف تتصفح قطع سيارتك بالكامل
2-تبحث عن قطعة معينة
3-كيف تختار قطعة توافق سيارتك حتى لو ما طابقت الرقم التسلسلي

قبل هذا كله .. أنقز للوكالة وخذ ارقام القطع الي تبيها لأنها مهمة http://www.adslgate.com/dsl/images/smilies/56.gif

أول جزئية ..

ندخل موقع أمازون ومن ثم حسابك في أمازون ومن ثم My Garage


http://d.top4top.net/p_1913olf1.jpg


نختار اضافة مركبة


http://c.top4top.net/p_1919phy1.jpg

ندخل مواصفات المركبة ( نوعها , موديلها , سنة الصنع )
في مثالنا أخترنا ماليبو 2017



http://e.top4top.net/p_191fpsl1.jpg


الأن أضفنا السيارة ضمن سياراتك في أمازون


http://b.top4top.net/p_19100p64.jpg


من عند الأقسام نختار الآتي



http://c.top4top.net/p_191apv05.jpg


نختار السيارة الي تبي تبحث عنها ثم GO .. تقدر تغير السيارة لو عندك أكثر


http://d.top4top.net/p_191sqvn6.jpg


راح تطلع لنا القطع الخاصة بالسيارة .. نختار منها الي يناسبنا


http://e.top4top.net/p_191euei7.jpg


في مثالنا .. أخترنا البريك .. وم ثم أخترنا أحد المنتجات ( هوبات ) وراح تلاحظ تأكيد أمازون أنه يوافق سيارتك ..



http://a.top4top.net/p_191f5xr8.jpg



الأن لو حبينا نبحث عن قطعة مباشرة ..


ندخل أسم القطعة مع السيارة و الموديل ثم بحث .. راح تطلع لك نتائج كثيرة .. هنا أضغط فلتر عشان يصفي القطع ويظهر القطع المتوافقة مع سيارتك -والمضافة سابقا بحسابك- .. ولما تدخل عليها تأكد في اعلى الصفحة أنها توافق سيارتك ..

http://b.top4top.net/p_191mxbq9.jpg


طيب الأن كلنا نعرف أن تطابق فلتر أمازون مايكفي .. بالنهاية في رقم تسلسلي وهو الأساس في عمليات البحث ..
في مواصفات القطعة راح تلقى الرقم .. تأكد منه هل يطابق الي عندك أول لا ..
احيانا من خلال عمليات بحثي أرقام القطع الي أخذها من الوكالة خياراتها محدودة .. مثلا ماتشحن مباشر , او غاليه .. لذلك استخدمت طريقة بديلة للمطابقة ..

أحيانا تلقى قطع مذكور انها توافق اكثر من رقم تسلسلي .. لنأخذ القطعة التالية مثال ..


http://c.top4top.net/p_191b0tj10.jpg

لو تلاحظون الرقم المحدد بالمربع هو الرقم الي اعطتنياه الوكالة .. لكن لنفرض ان القطعة ماناسبتني او انه ماعليها شحن مباشر ..
ممكن نستنبط من الصورة أن الرقم الخاص بي والرقمين الآخرين كلهم لنفس القطعة .. وهذا يعني أن جميع الأرقام الآخرى تناسبني .. ففمكن نعيد البحث باستخدامهم ..


هذا بشكل عام أسلوبي بالبحث .. ما أقول أنه الأفضل لكنه يفي بالغرض ..


ملاحظات أخيرة ..
قطع الغيار غالبا ماهي اشياء كمالية .. وشحنها مكلف .. لذلك ماودك تشتري شي الا وأنت متأكد منه 100% ..
عشان كذا ضروري تقرأ التقييمات كلها .. ولو فيه صور من بعض المشترين مر عليها .. بتفيدك كثير ..

مثلا عندكم المنتج هذا .. شوفوا كمية التوضيح الي جت من التقييمات والي افادتني كثير ..

هنا مواصافات المنتج

http://e.top4top.net/p_191bpu11.jpg

وهنا تقييم مشتري وصورة توضيحية .. شخصيا اول ما شفت الصورة شريت على طول لأنه فعلا اجاب على كل تساؤلاتي

http://a.top4top.net/p_191poop2.jpg

ايضا قطع الغيار متفاوتة .. قطع الديكور تختلف أهميتها عن القطع الإستهلاكية , والقطع الإستهلاكية تختلف عن الميكانيكية , والميكانيكية تختلف عن الكهربائية ..
فيه قطع ماودك تخاطر وتشتريها من غير الوكالة .. وفيه قطع ما تأثر ابدا ..
لذلك ادرس الموضوع بنفسك وقرر .. وش الي يستاهل ووش الي لا http://www.adslgate.com/dsl/images/smilies/56.gif ..

احرص على الشحن المباشر .. سعر أمازون ممتاز للشحن المباشر خصوصا أن القطع اغلبها ثقيلة ..


شخصيا حتى الأن شريت ..
شمعات
علبة فيوزات
نيكل للمريا والأبواب
فحمات
كشافات
نيكل للصدامات
محول كهربائي للسيارة
مقصات
مسامير توازن
جلد مقصات
وفيه غيره ..
والحمدلله كلها مشتريات وفرت فيها والى الأن تعمل بكل كفاءة..


وصلنا لنهاية الموضوع ..
قد تكون هناك معلومات مهمة غفلت عنها .. وقد تكون هناك معلومات إثرائية لاحاجة من ذكرها .. فأعذروني وشكرا للجميع ..