|
من فارق الخـلان ربي يعينه .... والله يعين اللي على الغبن صبار 0 آآآهـ ثم آآآآآآآآآهـ ياوالله الكلمات اللي ترن القلب أنا في موقف ذكرني بها الأبيات الله يردهم سالمين متعافين ،،، من فارق الخلان ربي يعينه والله يعين اللي على الغبن صبار يقوله اللي فارق احباب عينه فارقتهم والقلب كنه على نار فارقت من فاق العذارى بزينه غصبٍ علي فراقهم غير مختار واقفيت منهم والجوارح حزينه والعين هلت دمعها والفكر حار وامسيت ماعندي من العقل عينه يشهد علي اللي عليمٍ بالاسرار من عقب ما قلبي عليه السكينه مع الحبايب بين الاشجار والغار واليوم انا في حلةٍ في المدينة كني غريبٍ بالبلد نازح الدار والناس غيري نومهم مهتنينه وانا طوال الليل في هم وافكار وانت السبب ياللي رفع لي يمينه يَدي التحيه يوم انا غادر الدار وانت الذي من غيركم لي ضنينه اقولها للناس بالسر وجهار وارجو من اللي كلنا مرتجينه ارجوه لم الشمل يا والي الأقدار من درر عبدالله البابطين |
| الساعة الآن 07:29 PM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir