منتديات شمس الحب - قصيده للشاعر مفلح الرشيدي ورد من الشاعر صالح البشري

السلام عليكم ورحمة الله وبركاته

هذه قصيده للشاعر مفلح الرشيدي
ورد من الشاعر صالح البشري
وتتكلم هذه القصيده عن سوق الاسهم
واتمنى ان تنال اعجابكم

قال الشاعر مفلح الرشيدي هذه القصيده

وراك يــاســوق الـهـوامـيـر تـنــهــار
تنهـار باللـي مـا بـعـد صــار هـامـور

أثـــرك يـاســوق الـهـوامـيـر غــــدار
غـدرتـنـي وكـلـتـنـي مــعــك خــابــور

مـنـول أبـغـى مـنـك يالـسـوق مـلـيـار
وهالحين عطني راس مالي ومشكور

ورد الشاعر صالح البشري هذا الرد على مفلح الرشيدي

لابـــاس يـاكـاتــب ثـمـيـنـات الأشــعــار
عسـى عـزاك بطيحـت السـوق مجـبـور

تــرســل مـعـانـاتـك لــنــا عـبـرالأقـمـار
بـرسـالـةالـجـوال والإســــــم مـــذكـــور

قـريــت مـوضـوعـك تــراديــد ومــــرار
ولـي إتـضـح نـصّـار يـقـرب المنـصـور

أنـتـه سـواتـي يـافـتـى الـجــود مـحـتـار
طبيت وسـط السـوق وصبحـت مقهـور

وأنـــا أولٍ ســـواق مـــع كـــل مـشــوار
أجـــاوب الصـفـيـن بـالـحــان مـسـتــور

يــوم إنــي الحـريـف فـــي كـــل الأدوار
ولــلأســف هـالـحـيـن مـتــقــن ولا دور

دخـلــت جــــوٍ مـخـتـلـط لــيــل وغــبــار
يامـا نهونـي بـس ماطعـت أنــا الـشـور

ومـن عـادت الطمـاع مايطيـع الاشــوار
إلــى سـمـع بالمصلـحـه تـقـل مـسـعـور

مـشـيــت خــــط مـعـتــرض فــيــه دوار
ومن ضربت الصبات عندي طفـا النـور

وحـاولــت أدرجهـاعـلـى كــــل مـعـبــار
ويـالـيـتـهـا لـنــوّخــت تــقـــدر اتــثـــور

عـيــت تـسـيـر ولابـهــا قـيــد وهــجــار
ويـوم قلـت الحيـلات كسّـرت أنـا الكـور

مـــا كـــل عـلــه يـنـفـع الـكــي بـالـنــار
لامــن عـجــز لـيـاصـل الـطــب دكـتــور

وإن كـان تنشـد عـن سبـب كـل ماصـار
مـــا ظـــن يـخـفـنـك مـواعـيــد بـلـفــور

أشـرح لـك الموضـوع مـن دون تكـرار
والحريـفـهـم بـالأشــاره عـلــى الــفــور

ركّــب عليـنـا وقــت تحـطـيـم الأسـعــار
قلـنـا يـزيــن وراحـــت أيـــام وشـهــور

وقـــتٍ تـخـالـط بـــه مفـالـيـس وتـجــار
وشـوف بـه عقِّيـل تمشـي بلـى شـعـور

الـكـل يـنـشـد عـــن جـديــدات الأخـبــار
لاجــا الـتـداول صـفـوا الـربــع طـابــور

هـــذاك يـنـشـد ذاك والــــراس مــنــدار
هـوإرتــفــع وإلا إلـــــى زال بـــحـــدور

والـلـي عـلـى الـشـاشـه مركزبـالأنـظـار
ومـن قــو تركـيـزه عيـونـه تـقـل عــور

أمـــا وقـــف وإلا تـراكــا عـلــى جـــدار
ويـحـس فــي قلـبـه تـقـل نـــار دافـــور

سـبـة خـسـاراتـه بـلــى سـابــق إنـــذار
يشجب شقى حظـه عقـب كـان مشهـور

ومن عرض باق الناس ترضى بالأقدار
تمشـي سفينتـهـم عـلـى مــوج وبـحـور

ومـوج البحـر يـامـا غــرق فـيـه بـحـار
ويامـا ويامـا بـه غـرق لـنـش مكـسـور

وعسى عوضنا فـي جبـل عمـر وعمـار
يصبـح رصـيـدك داخــل البـنـك مـزبـور

مـــا كــنــك إلا خــاســر ربــــع ديــنــار
يـعـود راس الـمـال وتـصـيـر مـســرور

والــرزق لـوإنــه يـجــي كـــره وجـبــار
إن كـان مــا ذاقــه مــع النسرعصـفـور

لـكــن تـكـفــل فــيــه عــــلام الأســــرار
مقسـمـه ربــي عـلـى الـنــاس وطـيــور

وعـن الخطـا نعطـيـك جــزلات الأعــذار
كـانـه حـصـل مـنـا نـبـي مـنـك مـعــذور