منتديات شمس الحب - حسبي الله على مضارب السهم مثل المنشار ياكل بالطالع والنازل الله لايوفقه

طيب ليش ماتلعب معاه انت على الطالع والنازل وتترك الدعوات العاطفية اللي مالها داعي

انت في سوق مال معرض للخسارة والربح

بعد توفيق الله يعتمد على شطارتك وقدرتك على اللعب مع المضارب

مثال :
سهم سعره 12 وبكامل سيولتك اشتريت فيه ونزل الى11 ثم ارتفع الى 11.5 بيع ثلث كمياتك او ربعها زي ماودك وعلى حسب قوة اشارة الارتداد

وارجع خذ كمياتك نفسها مع نزوله الى 11 ثانية

بكذا مبروك عليك قللت متوسطك من 12 الى 11.80

طيب بينزل السهم الى 10.5 ! عادي بيرتفع الى 11 صرف عليه من جديد وارجع كل منه وهو نازل نفس الكمية

اخ بس السهم بعت ربع كميتي على 11 وطلع كله منك ياولد وشيقر حسبي الله عليك

عادي صف الربع الثاني على 11.25 والثالث على 11.5 والرابع على 11.75

وكل مانزل رجع كمياتك والعب معاه على الطالع والنازل لاتخليه

طيب وادا راح السهم بعد بيعتي ومانزل ياولد وشيقر مسوي نفسك فاهم وذكي !

عادي عندنا سهم ثاني سعره 11 ريال ونفس كميات سهمنا الاول :hawamer1812

نشتري فيه ونسوي نفس الحركة على الطالع والنازل !

طيب وسهمي اللي انطلق !

لاتقربه لين يرجع لك واقل من سعر بيعتك او خلك في السهم الجديد اللي نفس سهمك القديم في الكميات واقل سعر

ومبروك عليك يالمنشار