منتديات شمس الحب - تحدي بيني وبين المصاريه المتستر عليهم يديرون مركز تسويق بالحي .

اسباب القضيه في سلعه واحده وما خفي اعظم
منذو فتره وانا اشتري منهم عصير برتقال باللب انتاج المراعي بسعر 12 ريال وكون المركز ضخم يخدم الحي والطريق وعليه زبائن شي خرافي قلت ممكن المراعي رافعه السعر وبالصدفه مررت احد البقالات المتوسطه الحجم شاهدت نفس العصير امامي اخذت العصير قلت لصاحب البقاله بكم قال 10 ريال قلت له هذا عصير برتقال باللب يمكن غلطان بالسعر اكد لي ان سعره 10 المهم كان على طريقي 3 بقالات اصغر حجم سعرت العصير عندهم نفس الشي 10 ريال ...... يعني المصاريه مزودين 20% عن السعر الحقيقي وانبرش لك على المصاريه اصحابنا بالحي كيف تبيعون العصير بـ 12 وكل البقالات تبيعه بـ 10 اشتد النقاش الحاد بين وبينهم قالوا لي الفواتير موجوده من الشركه بهذا السعر قلت عطني الفواتير وانا رايح اشتكيكم لوزارة التجاره وكذلك حتى الشركه لازم يحضر مندوب منهم قطع النقاش الاذان لصلاة العشاء وليتها مقتصره على العصير فقط بقية الاسعار الرز والسكر والتايد والشاي والحليب والاجبان كلها مبالغ في اسعارها مثال التايد الاصلي 6 كيلوا عندهم بـ 72 وفي محلات التموين بـ 50 ريال الخ .....
المهم ناوي اصيد موزع الشركه واطلب منه سعر العصير وبكم يبيعه على المصاريه اذا ايد كلامهم رايح اقوله كيف البقالات الصغيره تبيعون عليهم بعشره وهذا المركز يسحب منكم كميات ضخمه بالعقل والمنطق يكون له تفضيل بالسعر .
شوركم هل استمر بالتحدي او اسكت على ما يجري من تلاعب بالاسعار علماً ان المصاريه متستر عليهم فهم اصحاب مركز التسويق واخينا السعودي يأخذ منهم حسب معلومات اكيده 30 الف ريال شهرياً .