منتديات شمس الحب - كنت جالس مع أحد الزملاء أمس يقول لي البنوك وفروعها مب زي أول ماتقدر تقفل التارقت

كنت أسولف مع واحد من الزملاء قبل امس مدير لفرع احد البنوك بدون ذكر الاسم

المهم يقول لي انه في الوقت الحالي الفروع ماهي قادرة تقفل التارقت الشهري للحسابات الجارية زي اول

بمعنى الحسابات الجارية يلعب فيها البنك ويستفيد من دراهمي ودراهمك ولكنه الايام هذي صار فيه نزول في قيمة الحسابات الجارية بشكل كبير يقول لي

يقول السبب انه مافيه حركة في الاسواق سواء الاسهم او العقار او المقاولات

والحكومة ماتسدد للمقاولين وموقفين الصرف والحسابات الجارية للعملاء خصوصا اللي يشتغلون في قطاع المقاولات في انخفاض مستمر

يقول لي واللي مب مقاول ماسك قروشه مايحركها

قلت له طيب وش الفايدة انه يحركها انتم يالبنك استفيدوا منها واقرضوها للعملاء او ضاربوا فيها

يقول لي ايه البنك يلعب فيها ولكنه يبي يقفل التارقت الشهري تبعه

ممكن احد يفهمني من موظفين البنك وش فايدة تقفيل التارقت ؟ ليش كل هالحماس ؟