منتديات شمس الحب - راعي الشقه رافع علي الايجار

انا ساكن في شقه في حي من احياء الرياض

غرفتين بمطبخ صغير ودروة مياه واحده

انا اول واحد سكن فيها من عام 1433

كنت ادفع كل 3 شهور 3750

وقبل سنه رفعه علي 4000 وسكت وقلت صبر جميل

وامس مادريت الا يتصل علي راعي المكتب يقول الايجار صار 4500

قلت له خلاص بطلع ماعاد ابي الشقه

قال لي اصبر بكلم راعي العماره وانشاء الله ماراح تدفع الا 4000

ومن وقتها الين الان ماتصل علي

وش السواه اسحب عليه وادرو شقه ثانيه

وهل بحصل ايجار ارخص من اللي انا فيه

وين الناس اللي يقولون ان العقار نزل ومادري ايش

اجل غرفتين بحمام ومطبخ صغير يبني ادفع فيها 18 الف سنويا

مع العلم اني ساكنها بلاط وانا الي فارشها

لكن ماقول الا الله يزينها من عنده