منتديات شمس الحب - نصيحة ان كنت تحط عرض او طلب لاتأمل أن تربح اذا كان طلبك وعرضك مكشوف .

بمعنى لاتحط لك طلب يشوفه المضارب

ولا تحط لك عرض يشوفه المضارب

خلك متابع للسهم

لما يوصل السهم سعرك ارمي عليه ماركت او اقحش منه ماركت

غير كذا محاولة الربح تكون صعبة جدا

لان عنصر المباغتة في الشراء او البيع مهم

لكن لما تحط لي طلب مكشوف والمضارب يشوفه من اول السوق وهو عارف انه طلب دخيل عليه راح يوصل بالضبط لطلبك لكن ماراح يعطيك راح يطلب فوقك ويشيل من الناس

نفس الشي بالعرض راح يوصلك مايشيلك ولكن يعرض قبلك وهلم جرة

لذلك حبيت أفيدكم بهالنقطة اللي ألاحظ كثيرين منكم يتوقع ان المضارب له وصول لمحافظ المتداولين اللي بالسهم ومن هالكلام اللي والله غير صحيح بتاتا

كل مافي الأمر ان المضارب يعرف ان الطلبات هذي له ولا مب له وكذلك العروض هل هي له ولا مب له

لان مضارب السهم له 90% من الطلبات والعروض فيعرف اللي تبعه واللي مب تبعه

ممكن تقول لي انا فاضي اتابع السهم طول فترة التداول ؟

باقول لك لا منتب مجبور

حط لك طلبات او عروض بسيطة جدا 10 اسهم او سهم واحد حتى مع ان المضاربين يخافون لما يشوفون سهم واحد فقط مطلوب لكن حط لك طلب بسيط جدا بحيث تجيك رسالة تنبيه من البنك لما يتنفذ الامر فيعلمك ان السهم وصل سعرك